“వలీ (వధువు తరఫున ఆమె సంరక్షకుడు) లేకుండా వివాహము పూర్తి కాదు”

వివాహము సక్రమమైనదిగా గుర్తించబడుటకు (వధువు తరఫున ఆమె వలీ) సంరక్షకుడుగా ఉండాలి అనేది తప్పనిసరిగా పాటించవలసిన వివాహపు షరతు. ఒకవేళ వలీ లేకుండా వివాహము జరిగినా, లేక వధువు (వలీ లేకుండా) తనే స్వయంగా వివాహము చేసుకున్నా అది సక్రమమైన వివాహముగా గుర్తించబడదు.
‘వలీ’ అంటే మగవారిలో వధువు యొక్క దగ్గరి బంధువు. కనుక, వధువు యొక్క దగ్గరి బంధువు ఉండగా, ఒక దూరపు బంధువు ‘వలీ’ గా వ్యవహరించి ఆమె వివాహము జరిపించజాలడు.
‘వలీ’ అర్హతలు (వలీగా వ్యవహరించుటకు నిబంధనలు): ‘ముకల్లిఫ్’ అయి ఉండాలి (ముకల్లిఫ్: యుక్తవయస్సు దాటి, మతిస్థిమితము కలిగి ఉన్న వాడు); మగవారు మాత్రమే వలీగా వ్యవహరించగలరు; వివాహానికి సంబంధించిన విషయాలన్నింటిని అవగాహన చేసుకోగల పరిపక్వత కలిగి ఉండాలి; వలీగా వ్యవహరించువారు – వలీకి మరియు వధువుకు మధ్య ధర్మానికి సంబంధించిన అన్ని నియమనిబంధనల అవగాహన కలిగి ఉండాలి.