రసూలుల్లాహ్ సల్లల్లాహు అలైహి వసల్లం ముస్లింలలో బానిసపై మరియు స్వతంత్ర వ్యక్తిపై, పురుషులపై మరియు స్త్రీలపై, చిన్నవారిపై మరియు పెద్దవారిపై మొత్తం అందరిపై ఒక సాఅ ఖర్జూరాలు లేదా ఒక సాఅ బార్లీ జకాతుల్-ఫితర్‌ దానం చెల్లింపును విధిగావించారు. ప్రజలు ఈద్ నమాజుకు వెళ్ళే ముందే దానిని చెల్లించాలని ఆయన ఆదేశించారు

రమదాన్ నెల తరువాత జకాతుల్-ఫిత్ర్‌ దానమును చిన్నవాడు, పెద్దవాడు, స్వతంత్రుడు, బానిస — ప్రతి ఒక్కరి తరఫున ఇవ్వాలి. దీనిని పిల్లల తరుఫున వారి సంరక్షకులు (వలీ) మరియు బానిసల తరుఫున వారి యజమాని ఇవ్వాలి. ఒక వ్యక్తి తన తరఫున, తన పిల్లల తరఫున, మరియు తన బాధ్యతలో ఉన్న వారందరి తరఫున జకాతుల్-ఫిత్ర్ దానం తప్పనిసరిగా పేదలకు చెల్లించాలి.
గర్భంలో ఉన్న పిండం తరఫున జకాతుల్-ఫిత్ర్ దానం ఇవ్వడం తప్పనిసరి కాదు; అయితే, ఆలా ఇవ్వడం సిఫార్సు చేయబడింది (ముస్తహబ్).
ప్రతి ప్రాంతంలోని ప్రజలు ప్రధానంగా తినే స్థానిక ఆహార పదార్థాలు ఫిత్రా దానంగా ఇవ్వాలి. (ఉదా గోధుమలు, బియ్యం, ఖర్జూరాలు, మొక్కజొన్న, బార్లీ ...)
ఈదుల్ ఫిత్ర్ నమాజుకు ముందు, ముఖ్యంగా ఈద్ రోజు ఉదయం ఇవ్వడం తప్పనిసరి, మరియు ఈద్ కు ఒకటి లేదా రెండు రోజుల ముందు ఇవ్వడం అనుమతించబడింది.