“ఇస్రా (మేరాజ్) యాత్ర జరిగిన రాత్రి నేనుఇబ్రాహీం (అలైహిస్సలాం) ను కలిసాను. ఆయన ఇలా అన్నారు “ఓ ముహమ్మద్ సల్లల్లాహు అలైహి వసల్లం! నీ ఉమ్మత్’కు నా సలాం తెలియజేయి, వారికి తెలియజేయి స్వర్గములో స్వచ్ఛమైన నేల మరియు మధురమైన నీరు ఉన్నాయి

ఇందులో, స్వర్గంలో (తన పేరున) మొక్కలు నాటుటను అధికం చేయడానికి (ప్రతి ముస్లిం) అల్లాహ్ యొక్క స్మరణ మరియు స్తుతి పదాలను పలుకుతూ ఉండడం కొనసాగించాలి, పునరావృతం చేస్తూ ఉండాలి అనే ప్రోత్సాహం ఉన్నది.
ఇబ్రాహీం (అలైహిస్సలాం) ముస్లిం ఉమ్మత్ (సమాజం)కు తన సలాం తెలియజేయడం ద్వారా ముస్లిం ఉమ్మత్ యొక్క ఘనత తెలియుచున్నది.
సర్వోన్నతుడైన అల్లాహ్ యొక్క స్మరణను అధికంగా చేయాలని ముహమ్మద్ (సల్లల్లాహు అలైహి వసల్లం) ఉమ్మత్’ను ఇబ్రాహీం (అలైహిస్సలాం) ప్రోత్సహించడం కనిపిస్తున్నది.
అత్’తయ్యిబ్ ఇలా అన్నారు: స్వర్గం విశాలమైన మైదానాలు కలిగినది; సర్వోన్నతుడైన అల్లాహ్ తన అనుగ్రహంతో ఆరాధకుల ఆచరణల ప్రకారం వృక్షాలను మరియు రాజభవనాలను సృష్టించాడు. (తీర్పుదినమునాడు) ప్రతి ఆరాధకుడు తన ఆచరణల కారణంగా తన కోసం ప్రత్యేకంగా సిద్ధం చేసిన వాటిని పొందుతాడు, ఎందుకంటే, అతడు ఏ ఆచరణలను ఆచరించడానికి సృష్టించబడినాడో, సర్వోన్నతుడైన అల్లాహ్, ప్రతిఫలం పొందుట కొరకు వాటిని ఆచరించుట అతని కొరకు సులభతరం చేసినాడు, కనుక అతడు వాటిని నాటిన వ్యక్తిగా పరిగణించబడతాడు.