ప్రతి సలాహ్ (నమాజు) తరువాత (అల్లాహ్’ను స్మరించే) ఈ పదాలు పలుకుటలో ఎప్పుడూ విఫలం కావద్దు, “అల్లాహుమ్మ అ’ఇన్నీ అలా జిక్రిక, వ షుక్రిక, వ హుస్నీ ఇబాదతిక్” (ఓ అల్లాహ్! నిన్ను స్మరించుకొనుటకు నాకు సహాయం చేయి, మరియు నీకు కృతఙ్ఞతలు తెలుపుకొనుటకు నాకు సహాయం చేయి; మరియు నిన్ను అత్యుత్తమంగా ఆరాధించుటకు నాకు సహాయం చేయి)

ఒక వ్యక్తి పట్ల మన ప్రేమ కేవలం అల్లాహ్ కొరకే అని అతనికి తెలియజేయుట షరియత్ ప్రకారం సరియైనదే.
ఈ దుఆను ప్రతి ఫర్జ్ నమాజు తరువాత మరియు ప్రతి సున్నత్, నఫీల్ నమాజుల తరువాత పఠించుట అభిలషణీయము.
ఈ దుఆలో కొద్ది పదాలలోనే ఈ ప్రాపంచిక మరియు పరలోక జీవితాలకు సంబంధించిన అభ్యర్థనలు ఉన్నాయి.
అల్లాహ్ కొరకు మాత్రమే ప్రేమ కలిగి ఉండుట యొక్క ప్రయోజనాలలో ఒకరినొకరు సత్యాన్ని అనుసరించమని హెచ్చరించుకొనుట, ఒకరితోనొకరు ఉపయుక్తమైన సలహాలూ, సంప్రదింపులూ జరుపుట, ధర్మబధ్ధత మరియు దైవభీతిలో సహకరించుకొనుట ఉన్నాయి.
అల్-తయ్యిబి ఇలా అన్నారు: అల్లాహ్ స్మరణ అనేది హృదయ విస్తారణకు నాంది; ఆయన ప్రసాదించిన శుభాలే ఆయనకు కృతఙ్ఞతలు తెలుపుకోవడానికి సాధనం; మరియు ఉత్తమమైన ఆరాధనకు అవసరమైనది ఏమిటంటే సర్వోన్నతుడైన అల్లాహ్ నుండి దూరం చేసే వాటి నుండి విముక్తి పొందడం, వాటికి దూరంగా ఉండడం.