“మీరు నిశ్చయంగా మీకంటే పూర్వం గతించిన వారి విధానాలను అంగుళం అంగుళం, మూరలు మూరలుగా అనుసరిస్తారు (అంచెలంచెలుగా అనుసరిస్తారు)

ఇది ప్రవక్త సల్లల్లాహు అలైహి వసల్లం చేసిన భవిష్యవాణి; ఆయన సల్లల్లాహు అలైహి వసల్లం ప్రవక్తత్వానికి నిదర్శనం. ‘ఇలా జరుగుతుంది’ అని ఆయన తన జీవితకాలములోనే తెలియజేసారు. ప్రస్తుతం ఆయన చెప్పినట్లుగానే జరుగుతూ ఉండడం చూస్తున్నాం మనం.
విశ్వాసులు, అవిశ్వాసులను వారి విశ్వాసాలలో గానీ, లేక వారి ఆరాధనా విధానాలలో గానీ, వారి పండుగలు పర్వదినాలలో గానీ, లేక వారికి మాత్రమే ప్రత్యేకమైన వారి వస్త్రాలు, వస్త్రధారణ విధానాలలో గానీ వారిని అనుసరించుట నిషేధము.
అధ్యాత్మిక విషయాలను స్పష్టమైన ఉదాహరణలతో వివరించడం ఇస్లాంలోని బోధనా విధానాలలో ఒకటి.
"అల్-దబ్": ఇది ఒక జంతువు, దీని బొరియ చాలా చీకటిగా మరియు దుర్వాసనతో ఉంటుంది. ఇది ఎడారులలో అధికంగా ఉండే సరీసృపాలలో ఒకటి. ఈ హదీథులో ‘అల్-దబ్’ యొక్క బొరియను పేర్కొనడానికి కారణం అది చాలా చాలా ఇరుకుగా ఉంటుంది మరియు దుర్వాసనతో కూడి పేలవమైన, అసహ్యమైన స్థితిలో ఉంటుంది. కొంతమంది ముస్లింలు, యూదులు మరియు క్రైస్తవుల జాడలు మరియు మార్గాలను గుడ్డిగా అనుసరిస్తారు కాబట్టి, వారు ఇంత ఇరుకైన మరియు అసహ్యకరమైన స్థితిలో ఉన్నప్పటికీ, ఈ ముస్లింలు వారితో ఏకీభవిస్తారు మరియు వారిని అనుసరిస్తారు. అల్లాహ్ యొక్క సహాయమే రక్షణకు మూలం.