“ఎవరైతే అల్లాహ్ యొక్క వాక్కును సర్వోన్నతం చేయడానికి పోరాడుతాడో అతడు అల్లాహ్ యొక్క మార్గములో ఉన్నవాడు.”

ఆచరణల శ్రేష్ఠత్వము లేక అధమత్వములకు మూలము కేవలం అల్లాహ్ కొరకు మాత్రమే అనే సంకల్పము మరియు కల్మషము లేనితనమూను.
సంకల్పము అల్లాహ్ యొక్క వాక్కును సర్వోన్నతం చేయుట అయిఉండి, దానికి అదనంగా షరియత్ కు అనుగుణమైన మరొక సంకల్పము కూడా జత కలిస్తే, అది ప్రథమంగా ఉన్న అసలు సంకల్పానికి హాని కలిగించదు. ఉదాహరణకు: అల్లాహ్ యొక్క వాక్కును సర్వోన్నతం చేసే సంకల్పముతో పాటు యుద్ధఫలాలను పొందుట అనే సంకల్పము కూడా కలిగి ఉండుట.
మాతృభూమిని, పవిత్ర స్థలాలను శతృవులనుండి రక్షించుట కొరకు పోరాడుట అల్లాహ్ మార్గములో పోరాడుటగానే పరిగణించబడుతుంది.
ఇందులో ‘ముజాహిదీన్’ల గురించి ప్రస్తావించబడిన ఘనత, ఎవరైతే అల్లాహ్ యొక్క వాక్కును సర్వోన్నత స్థాయిలో ఉంచుటకు గానూ పోరాడుతారో వారికి మాత్రమే ప్రత్యేకమైనది.