“అబూబక్ర్ మరియు ఉమర్ (రదియల్లాహు అన్హుమా) లను గురించి రసూలుల్లాహ్ సల్లల్లాహు అలైహి వసల్లం ఇలా అన్నారు: “వీరిద్దరూ స్వర్గములో పెద్దవారికందరికీ నాయకులు - మొదటి తరం నుండి మొదలుకుని చివరితరం వరకూ, అయితే అల్లాహ్ యొక్క ప్రవక్తలు మరియు సందేశహరులకు తప్ప.”

ప్రవక్తలూ, సందేశహరుల తరువాత ప్రజలలో అబూబక్ర్ మరియు ఉమర్ (రదియల్లాహు అన్హుమా) ఉత్తములు.
వాస్తవానికి స్వర్గములో వయసులో పెద్దవారు (ముసలివారు) ఎవరూ ఉండరు. స్వర్గములో ప్రవేశించే వారందరి వయస్సు 33 సంవత్సరాలు ఉంటుంది. ఈ హదీథులో ‘పెద్దవారు’ అనే పదానికి భావం ఏమిటంటే ఈ ప్రపంచములో పెద్ద వయసులో (ముసలితనములో) చనిపోయినవారు అని లేదా ప్రవక్త సల్లల్లాహు అలైహి వసల్లం ఈ హదీథును ప్రవచించినపుడు పెద్దవయసులో ఉన్నవారు అని కూడా కావచ్చు.