రమదాన్ (మాసం) వచ్చినప్పుడు, స్వర్గ ద్వారాలు తెరవబడతాయి, నరక ద్వారాలు మూసివేయబడతాయి మరియు షైతానులు సంకెళ్లలో బంధించబడతారు

రమదాను మాసం యొక్క ఘనత
ఈ పుణ్యమైన రమదాన్ మాసం ఆరాధనల మరియు మంచి పనుల ఋతువు అని ఉపవాసం పాటించే వారికి శుభవార్త ఇవ్వబడింది.
రమదాన్ నెలలో షైతానులను బంధించడం అనేది షైతానుల బంధంలో చిక్కుకున్నాననే వ్యక్తి యొక్క సాకు తొలగించబడిందని సూచిస్తుంది, అంటే అతనికి చెప్పినట్లుగా: షైతానులు నీ వద్దకు రాకుండా నిరోధించబడ్డాయి, కాబట్టి ఇక విధేయతను విడిచి పెట్టడానికి లేదా పాపం చేయడానికి వాటిని సాకుగా చూపించే అవకాశం నీకు లేదు.
ఖుర్తుబి ఇలా అన్నారు: మరి, రమదాన్‌ నెలలో ఇన్ని చెడుపనులు మరియు పాపాలు జరుగుతూ ఉండడాన్ని మనం ఎలా చూస్తున్నాము? షైతానులను బంధించినట్లయితే, ఇలా జరగ కూడదు కదా? సమాధానం: ఉపవాసం పాటించేవారిలో చెడుపనులు, పాపాలు తక్కువగా ఉంటాయి, ఎందుకంటే ఉపవాసం యొక్క షరతులు మరియు దాని మర్యాదలు పాటించబడతాయి. లేదా కొన్ని ఉల్లేఖనలలో చెప్పబడినట్లు, బంధించబడినవి కొన్ని దయ్యాలు, తిరుగుబాటుదారులు మాత్రమే, మొత్తం అన్నీ బంధించబడలేదు. లేదా ఉపవాస సమయంలో చెడులను తగ్గించాలనే ఉద్దేశ్యంతో ఇలా చెప్పబడి ఉంటుంది. మరియు ఇది స్పష్టంగా అర్థం అవుతుంది, ఎందుకంటే ఉపవాస సమయంలో దాని సంభవం ఇతర సమయాల కంటే తక్కువగా ఉంటుంది. అవన్నీ బంధించబడినందున, ఎటువంటి చెడు లేదా పాపం జరిగే అవకాశం లేదు, ఎందుకంటే అలా చెడుపనులు జరగటానికి షైతానులే కాకుండా ఇతర కారణాలు కూడా ఉన్నాయి, దుష్ట ఆత్మలు, చెడు అలవాట్లు మరియు మానవులలోని దుష్టులు మొదలైనవి.