උත්තරීතර අල්ලාහ්ගේ හෙවණ හැර වෙනත් කිසිදු හෙවණක් නැති දිනයේ ඔහුගේ හෙවණ තුළ ඔහු හෙවණ ලබා දෙන හත් දෙනෙකු සිටිති

සඳහන් කරන ලද කණ්ඩායම් හතෙහි මහිමය. ඔවුන් පිළිපදින ලෙස දිරි ගැන්වීම.
"ඔහුගේ හෙවණ තුළ" යන එතුමාණන්ගේ ප්‍රකාශය සම්බන්ධයෙන් ඉබ්නු හජර් තුමා මෙසේ පවසයි: එහි අදහස වනුයේ: ඔහුගේ අර්ෂ් හෙවත් රාජධානියේ හෙවණය. සඊද් ඉබ්නු මන්සූර් විසින් හසන් වර්ගයේ වාර්තා සම්බන්ධතාවයකින් යුතුව වාර්තා කරන ලද සල්මාන් තුමා දන්වා සිටි "තම අර්ෂ්හි හෙවණෙහි අල්ලාහ් හෙවණ ලබා දෙන සත් දෙනෙකි." යන හදීසය එය පෙන්වා දෙයි.
ඉබ්නු හජර් තුමා මෙසේ පවසයි: යුක්තිගරුක තැනැත්තා ගැන විස්තර කිරීමට වඩාත් හොදම ක්‍රමය වනුයේ සැබැවින්ම ඔහු අතිරික්තයෙන් හෝ නොසැළකිලිමත්භාවයෙන් තොරව සෑම දෙයක්ම ඊට අදාළ ස්ථානයේ තබමින් අල්ලාහ්ගේ නියෝගය පිළිපදින්නාය. ඔහු ගැන පළමුව සඳහන් කර ඇත්තේ ඔහු තුළින් පොදු යහපත ලබන බැවිනි.
සලාතයෙන් පසු සලාතය බලපොරොත්තු වෙමින් සිටීමේ මහිමය.
නවවි තුමා මෙසේ පවසයි: අල්ලාහ් සම්බන්ධයෙන් එකිනෙකා ආදරය කිරීම ගැන මෙහි දිරිගන්වා ඇත. එමෙන්ම එහි මහිමය ද විස්තර කර ඇත.
උසස් නිලය හා අලංකාරය ඇති කාන්තාව මෙහි විශේෂයෙන් සඳහන් කර ඇත්තේ, මිනිසුන් ඒ ගුණාංග කෙරෙහි වැඩි ඇල්මක් දක්වන බැවින් හා ඒ කෙරෙහි උනන්දුව දක්වන බැවිනි. එමෙන්ම ඒ ගුණාංග දෙක ඇති කාන්තාවන් ලබා ගැනීමට අසීරු වන බැවිනි.
සදකා හෙවත් පරිත්‍යාග කිරීම තුළ වඩාත් උතුම් වනුයේ ප්‍රදර්ශණය කිරීමෙන් දුරස් වී එය රහසිගත ව සිදු කිරීමයි. සදකාව හා සකාත් ප්‍රසිද්ධ කිරීමට ෂරීආව අවසරය දී ඇත්තේ මුහුණිච්ඡාවෙන් තොරව එය භාරදුන් විටෙකය. එමෙන්ම එමගින් වියදම් කිරීම සඳහා අන් අය දිරිමත් කිරීම, අන් අය විසින් ඔහුව පිළිපැදීම හා ඉස්ලාමිය චාරිත්‍ර නිරූපණය කිරීම පිණිස ය.
එම ආශිර්වාදය මෙම පාර්ශව හත ලබනුයේ උත්තරීතර අල්ලාහ්ට අවංක වීම තුළින් හා ආශාවන්ට විරුද්ධව කටයුතු කිරීම තුළිනි.
"අල්ලාහ් හත් දෙනෙකුට හෙවණ සළසන්නේය" යන ප්‍රකාශය වනාහි, මෙම සංඛ්‍යාව මගින් ඔවුන් සීමා කිරීම මින් අදහස් වන්නේ නැත. මෙම හදීසයේ සඳහන් නොකරන ලද අල්ලාහ්ගේ අර්ෂ් හෙවත් රාජධානියේ සෙවණ ලබන තවත් පිරිස් ද වෙති.
ඉබ්නු හජර් තුමා මෙසේ පවසයි: මෙම හදීසයේ පිරිමින් පමණක් සඳහන් කර තිබීම මෙවා පිරිමියාට පමණක් සීමා වූවක් බව වටහා නොගත යුතුය. ඔවුන් සමග කාන්තාවන් ද හවුල් වෙති. එනම් ඉහත සඳහන් කරන ලද කරුණු ක්‍රියා කරන පිරිමින් සමග ඔවුන් ද හවුල් වෙති. නමුත් යුක්තිගරුක නායකයා යන කරුණ පාලක නායිකාව අදහස් කරන්නේ නම් හැර. එසේ නොවන්නේ නම් ඇය දරුපවුල් කාන්තාවක් නම් ඒ අතරට ඇය ද ඇතුළත් වන්නීය. එවිට ඇය ඔවුන් අතර යුක්තිගරුකව කටයුතු කළ යුතුය. එමෙන්ම මස්ජිදය සමග බැඳී කටයුතු කිරීමේ කරුණෙන් ද ඇය ඉවත් වන්නීය. හේතුව කාන්තාවකගේ සලාතය ඇගේ නිවසේ ඉටු කිරීම මස්ජිදයේ ඉටු කිරීමට වඩා උතුම් වන බැවිනි. ඒ හැර අනෙකුත් කරුණුවල දී ඇය ද හවුල්කාරිනියක් වන්නීය. කාන්තාවක් කාමයේ වරදවා හැසිරෙන්නට ඇරයුම් කරනු ලබන පිරිමියා යන කරුණ අතරට පවා ඇය හවුල් කාරිනියක් වන්නීය. උදාහරණයක් ලෙස රූමත් රජකු කාමයේ වරදවා හැසිරෙන්නට ඇයට ඇරයුම් කරයි. එවිට ඇයට අවශ්‍යතාව තිබිය දී උත්තරීතර අල්ලාහ්ට බියෙන් ඇය ඔහුගෙන් වැළකී සිටින්නාක් මෙනි.