“කවරෙකු වුළූ ධෝවනය, විධිමත්ව ඉටු කරන්නේ ද ඔහුගේ ශරීරයෙන් මෙන්ම ඔහුගේ නියපොතු යටින් පවා ඔහුගේ පාපකම් ඉවත් ව යයි.”

වුළුෑ ධෝවනය, එහි සුන්නතයන් හා එහි විනයන් හැදෑරීමට හා ඒ අනුව කටයුතු කිරීමට දිරි ගැන්වීම.
වුළූ ධෝවනයෙහි මහිමය. සැබැවින්ම එය සුළු පාප වලට ප්‍රතිකර්මයක් වේ. මහා පාප වනාහි, ඒවාට තව්බා හෙවත් පශ්චාත්තාප වී පාපක්ෂමාවෙහි නිරත විය යුතු වේ.
වැරදි පහව යෑමේ කොන්දේසියක් වනුයේ වුළූ ධෝවනය පූර්ණවත් කිරීම හා නබි (සල්ලල්ලාහු අලයිහි වසල්ලම්) තුමාණන් පැහැදිලි කළ පරිදි එහි කිසිදු හිඩසක් නොතබා ඒ අයුරින්ම පිළිපැදීමය.
සුළු පාපයන්ට ප්‍රතිකර්මයක් වීමේ කොන්දේසිය වනුයේ තමන් මහා පාපකම්වලින් වැළකී සිටිම හා ඒ සඳහා තව්බා හෙවත් පශ්චාත්තාප වී පාපක්ෂමාවෙහි නිරත වීමය. උත්තරීතර අල්ලාහ් මෙසේ ප්‍රකාශ කරයි: "නුඹලාට කවර කරුණක් තහනම් කළේ ද එවන් මහා පාපයන්ගෙන් නුඹලා වැළකී සිටියෙහු නම් අපි නුඹලාගේ වැරදි නුඹලාගෙන් පහ කරන්නෙමු." (අන්-නිසා: 31)