මළවුන් කෙරෙන් නැගිටුවනු ලබන දිනයේ මාගේ මැදිහත්වීම ලබන්නට මිනිසුන් අතර වඩාත් භාග්‍යවන්තයා වනුයේ තම හදවතින් හා සිතින් අවංකවම 'ලා ඉලාහ ඉල්ලල්ලාහු' (නැමදුමට සුදුස්සා අල්ලාහ් හැර වෙනත් දෙවියකු නැත) යැයි පවසන්නාය

මතුලොවෙහි නබි (සල්ලල්ලාහු අලයිහි වසල්ලම්) සතුව ඇති මැදිහත්වීමේ භාග්‍යය මෙය තහවුරු කරයි. එය දේවත්වය ඒකීයකරණය කරන්නන් හට හැර වෙනත් කිසිවකුට පිහිටන්නේ නැත.
නබි (සල්ලල්ලාහු අලයිහි වසල්ලම්) තුමාණන්ගේ මැදිහත් වීම යනු දේවත්වය ඒකීය කරණය කරන්නන් අතරින් අපා ගින්නට සුදුසුකම් ලැබූවන් හට ඔවුන් අපා ගින්නට ප්‍රවේශ නොවනු පිණිසත්, කවරෙකු එහි පිවිසුනේ ද ඔහු එයින් බැහැර කරනු පිණිසත් උත්තරීතර අල්ලාහ්ගෙන් එතුමා කරන කන්නලව්වයි.
උත්ත්තරීතර අල්ලාහ් සතු අවංක ඒකීයකරණ ප්‍රකාශයේ මහිමය හා එහි පවතින විශාල බලපෑම.
ඒකීයකරණයේ ප්‍රකාශය සාක්ෂාත් කර ගැනීම යනු එහි අර්ථය දැනගෙන ඒ අනුව ක්‍රියා කිරීමයි.
අබූ හුරෙයිරා (රළියල්ලාහු අන්හු) තුමාගේ මහිමය හා දැනුම ලබන්නට එතුමා තුළ තිබූ උනන්දුව.