HadeethEnc · 1.7.0
Iyo abislamu babiri bakuye imipanga (canke inkota zabo) mu rwubati ngo barwane, maze umwe muri bo akica mugenziwe, uwishe n'uwishwe bose bazoja mu muriro
Available translations
Choose an available translation of this Hadeeth
01
Hadeeth text
Mu vyakiriwe na Abu Bakra (Imana Allah Imwishimire) yavuze ati: "Narigeze kwumva Intumwa y'Imana (nyakugira amahoro n'impuhwe z'Imana Allah) ivuga iti: "Iyo abislamu babiri bakuye imipanga (canke inkota zabo) mu rwubati ngo barwane, maze umwe muri bo akica mugenziwe, uwishe n'uwishwe bose bazoja mu muriro". Naciye mvuga mbaza nti: "Ewe Ntumwa y'Imana! Ku wishe, birumvikana igitumye ahanwa, none uwishwe wewe azira iki?". Yaciye yishura ivuga iti: "Azira ko na we nyene yari arajwe ishinga n'ukwica mugenziwe iyo atamwitanga".
02
Explanation
Umuvugishwamana (nyakugira amahoro n'impuhwe z'Imana Allah) aratwiganira ko iyo abislamu babiri bakuye imipanga cane inkota mu rwubati ngo babikoreshe mu kurwana, maze umwe wese muri bo akarazwa ishinga n'ukwikiza mugenziwe ngo amwice; uwishe uwundi azoja mu muriro ku caha kigaragara co kwica mugenziwe. Aha ingendanyi zaragize impungenge ku wishwe, zishaka kumenya igituma yohanwa akaja mu muriro, zica zibaza ziti: bishoboka gute ko yoja mu muriro kandi ari we yishwe?, Umuvugishwamana (nyakugira amahoro n'impuhwe z'Imana Allah) yaciye azimara impungenge ku gituma uwishwe ahanwa mu muriro, ko na we nyene yari yararajwe ishinga n'ukwica mugenziwe, akaba yabujijwe kumwica n'uko yamwitanze akamwica.
03
Benefits
Umuntu guhabwa igihano ku mvo z'ukuzirikana no kugira ishaka mu mutima wiwe ryo gukora icaha hamwe no gutegura ibituma yokora nya caha.
Ukwihaniza cane gukora ivyotera indwano mu bislamu bamwe ku bandi, hamwe no kugenerwa igihano c'umuriro.
Ukurwana hagati y'abislamu ku mvo z'ukuri zumvikana, ntikiri mu bituma bagenerwa igihano. Akarorero, ni nko kurwanya abagenzwa n'akarenganyo n'ubwononyi kw'isi.
Uwukoze icaha rutura, ntafatwa nk'umugarariji kuko gusa akoze nya caha; kuko Umuvugishwamana (nyakugira amahoro n'impuhwe z'Imana Allah) muri iyi nyigisho y'intumwa, yise abislamu abahanganye babiri ku rugamba.
Iyo abislamu babiri bahanganye bitwaje ibirwanisho bagakoresha ico ari co cose cica, maze umwe muri bo akicisha nya kirwanisho mugenziwe, uwishe n'uwishwe bompi, bazoja mu muriro. Ivugwa ry'ikirwanisho c'umupanga (canke inkota) muri iyi nyigisho y'intumwa, ryakoreshejwe mu gutanga akarorero gusa.
Ukwihaniza cane gukora ivyotera indwano mu bislamu bamwe ku bandi, hamwe no kugenerwa igihano c'umuriro.
Ukurwana hagati y'abislamu ku mvo z'ukuri zumvikana, ntikiri mu bituma bagenerwa igihano. Akarorero, ni nko kurwanya abagenzwa n'akarenganyo n'ubwononyi kw'isi.
Uwukoze icaha rutura, ntafatwa nk'umugarariji kuko gusa akoze nya caha; kuko Umuvugishwamana (nyakugira amahoro n'impuhwe z'Imana Allah) muri iyi nyigisho y'intumwa, yise abislamu abahanganye babiri ku rugamba.
Iyo abislamu babiri bahanganye bitwaje ibirwanisho bagakoresha ico ari co cose cica, maze umwe muri bo akicisha nya kirwanisho mugenziwe, uwishe n'uwishwe bompi, bazoja mu muriro. Ivugwa ry'ikirwanisho c'umupanga (canke inkota) muri iyi nyigisho y'intumwa, ryakoreshejwe mu gutanga akarorero gusa.
Attribution
[متفق عليه]
Categories
Share
Share hadeeth
Sharing options · 0 Total shares