سره زر په سرو زرو، سپين زر په سپينو زرو، غنم په غنمو، وربشې په وربشو، خرما په خرما، او مالګه په مالګه، یو بل ته ورته (او) برابر، لاس په لاس (سود دی) خو کله چې دا ډولونه سره مختلف وي، نو څرنګه مو چې خوښه وي، خرڅلاو وکړئ، خو دا چې لاس په لاس (نغده معامله) وي

د ربوي مالونو بیان او د هغو د پلور طریقې.
د سود لرونکې پلور څخه منع.
کاغذي پیسې د سود (ربا) په علت کې د سرو زرو او سپینو زرو حکم لري.
د ربوي شپږو توکو پلور او پېرود درې حالتونه لري: ۱ - د ربوي توکي په خپل جنس کې پلورل، لکه سره زر په سرو زرو یا خرما په خرما، نو د دې لپاره دوه شرطونه ضروري دي: په وزن او پیمانه کې برابروالی (تماثل) او د معاملې په مجلس کې لاس په لاس تبادله کول (تقابض). ۲ - چې ربوي توکی په بل ربوي توکي وپلورل شي او علت یې یو وي، لکه سره زر په سپینو زرو یا غنم په وربشو، نو په دې حالت کې یوازې د لاس په لاس تبادله شرط ده، نه د وزن یا پیمانې برابروالی. ۳ - دا چې ربوي توکی په بل ربوي توکي وپلورل شي او علت یې مختلف وي، لکه سره زر په خرما، نو پدې حالت کې نه د لاس په لاس تبادله شرط ده او نه د وزن یا پیمانې برابروالی.
د غیر ربوي توکو پلور او پېرود، یا کله چې یو توکی ربوي وي او بل غیر ربوي، نو نه د لاس په لاس تبادله شرط ده او نه هم برابروالی، لکه جایداد په سرو زرو پلورل.