HadeethEnc · 1.46.0
بېشکه لومړۍ ډله چې جنت ته به داخلېږي، د بدر د شپې (څوارلسمې) سپوږمۍ په څېر به ښکلي وي؛ بیا ورپسې کسان به د آسمان د تر ټولو روڼ ستوري په شان ځلېږي
Available translations
Choose an available translation of this Hadeeth
01
Hadeeth text
له ابوهریره رضی الله عنه نه روایت دی وایي چې رسول الله صلی الله علیه وسلم فرمایلي: بېشکه لومړۍ ډله چې جنت ته به داخلېږي، د بدر د شپې (څوارلسمې) سپوږمۍ په څېر به ښکلي وي؛ بیا ورپسې کسان به د آسمان د تر ټولو روڼ ستوري په شان ځلېږي دوی به نه تشې متیازې کوي او نه ډکې، او نه به لیاړې او بلغم تو کوي، د هغوی ږمنځې به له سرو زرو څخه وي او خولې (عرق) به یې مشک وي، بخورونه (د خوشبویۍ مواد) به یې د (عود الأنجوج) څخه وي (دا د خوشبویه لرګي یو ښه کیفیت لرونکی لرګی دی چې د دودولو پر مهال ښایسته بوی کوي)، یو ډول خوشبویي ده، ښځې به یې حورالعین وي، ټول به د یوه سړي په شکل وي؛ د خپل پلار آدم په صورت، چې قد به یې شپېته ذراعه لوړ وي».
02
Explanation
نبي صلی الله علیه وسلم خبر ورکوي چې د مؤمنانو لومړۍ ډله به چې جنت ته داخلېږي، مخونه به یې د بدر شپې د سپوږمۍ په شان روښانه وي، بیا به ورپسې هغه کسان وي چې د آسمان تر ټولو روښانه ځلیدونکي ستوري په څېر وي، دوی به د کمال ځانګړتیاوې لري چې نه به تشې متیازې کوي او نه ډکې، نه به لاړې تو کوي او نه بلغم، ږمنځې به یې د سرو زرو وي، خولې به یې د مشکو بوی لري، د بخورو د دودولو لوښي به یې تر ټولو ښایسته او پاکیزه بوی کوي، مېرمنې به یې حورالعین وي، دوی به په خلقت کې د یوه سړي په څېر وي؛ د خپل پلار آدم په څېر په صورت او قد کې چې قد به یې شپېته ذراعه لوړ وي.
03
Benefits
د جنتیانو صفت؛ او دا چې په جنت کې به دوی د درجو او اعمالو په لیدو یو له بل سره تفاوت لري.
(ذهن ته) د معنا او شرحې په نږدې کولو کې د تشبیه کارول.
قرطبي ویلي: کېدای شي وویل شي چې جنتیان ږمنځو ته څه اړتیا لري، حال دا چې هغوی به لغړزني وي او وېښتان به یې نه خیرنېږي، او هغوی به خوشبویۍ ته څه اړتیا لري، حال دا چې خپل بوی به یې له مشکو نه زیات ښایسته او پاکیزه وي؟ وایي: د جنتیانو نعمتونه لکه خوراک، څښاک، جامې، خوشبويي — دا ټول به د لوږې، تندې، لوڅوالي یا بدبويۍ له امله نه وي، بلکې دا خالص خوندونه دي چې یو پر بل پسې به راځي، او حکمت یې دا دی چې دوی به له هغه ډول نعمتونو څخه برخمن کېږي چې په دنیا کې به ورکول کېدل.
(ذهن ته) د معنا او شرحې په نږدې کولو کې د تشبیه کارول.
قرطبي ویلي: کېدای شي وویل شي چې جنتیان ږمنځو ته څه اړتیا لري، حال دا چې هغوی به لغړزني وي او وېښتان به یې نه خیرنېږي، او هغوی به خوشبویۍ ته څه اړتیا لري، حال دا چې خپل بوی به یې له مشکو نه زیات ښایسته او پاکیزه وي؟ وایي: د جنتیانو نعمتونه لکه خوراک، څښاک، جامې، خوشبويي — دا ټول به د لوږې، تندې، لوڅوالي یا بدبويۍ له امله نه وي، بلکې دا خالص خوندونه دي چې یو پر بل پسې به راځي، او حکمت یې دا دی چې دوی به له هغه ډول نعمتونو څخه برخمن کېږي چې په دنیا کې به ورکول کېدل.
Attribution
[متفق علیه دی]
Categories
Share
Share hadeeth
Sharing options · 0 Total shares