د هغه چا مثال چې قرآن یې حفظ کړی دی د تړل شوي اوښانو د څښتن په څېر دی، که یې تل تړل شوي وساتي نو پرې به برلاسی وي او که یې خلاص پرېږدي نو ترې به لاړ شي

د قرآن کریم پر تلاوت پابندۍ ته هڅونه، او د هېرولو په وړاندې یې احتیاط کول.
په منظم ډول د قرآن کریم لوستل د انسان ژبه اسانه او تلاوت کول ساده کوي، که څوک یې پرېږدي، نو لوستل یې پرې پېټی کېږي او ورته سختېږي.
قاضي ویلي: د "صاحب القرآن" معنی دا ده: د چا چې ورسره ملګرتیا وي او: (المصاحبة) ملګرتیا ته وایي، له دې څخه دا اصطلاح هم ده چې: فلاني د فلاني ملګری دی، او لکه چې وایي: د جنت خاوندان او د دوزخ خاوندان.
د تبلیغ یوه طریقه د مثالونو کارول دي.
ابن حجر ویلي: د اوښانو یادونه یې په ځانګړې ډول ځکه وکړه چې په کورنیو څارویو کې اوښان د نورو څارویو په پرتله زیات تښتېدونکي دي، او کله چې ورک شي نو بیا یې لاسته راوړل ستونزمن وي.