موږ د جنازې پسې له تګ څخه منع شوي یو، خو زیات ټینګار راباندې ندی شوی

ښځې یې د جنازې پسې له تګ څخه منع کړي دي، او دا خبره عامه ده، یعنې هغه ځای ته چې چمتو کېږي او لمونځ پرې ادا کېږي او مقبرې ته؛ چېرته چې ښخېږي.
لامل یې دا دی چې ښځې دا ډول خفه کوونکي او اغېزناکه صحنې نشې زغملی؛ ځکه چې دوی ممکن په خپلو کړنو کې نارضایتي او بې صبري وښيي، چې دا کار د واجب صبر سره په ټکر کې دی.
په ممانعت کې اصل تحریم دی، خو ام عطیة رضي الله عنها له دې سیاق څخه پوه شوه چې د جنازو پسې د ښځو تلل قطعي او تایید شوی ممانعت نه و، خو له بله پلوه داسې احادیث شتون لري چې د دې حدیث په پرتله د جنازو پسې د تللو په اړه یې ډېر سختوالی بیان کړی دی.