که ته وغواړې، صبر وکړې او ستا لپاره به جنت وي، او که وغواړې، زه به له الله تعالی څخه سوال وکړم نو روغه به دې کړي

په دنیا کې پر مصیبت صبر کولو په وجه انسان ته جنت ورکول کېږي.
نووي رحمه الله ویلي: په حدیث کې دلیل دی چې په بې هوښۍ یا مېرګیو انسان ته بشپړ ثواب ورکول کېږي.
د صحابه و د ښځو رضي الله عنهن حیا، او د هغوي پاکدامني او پردې کولو باندې ټېنګار، نو دغې ښځې ډېره وېره درلوده چې هسې نه د بدن کومه برخه یې ښکاره شي.
ابن حجر رحمه الله ویلي: د سختۍ اختیارول د هغه چا لپاره د نرمۍ له اختیارولو غوره دي چې پوهېږي ځواک لري او د سختۍ پر وړاندې نه کمزوری کېږي.
ابن حجر ويلي: په حدېث کې د دې خبرې ثبوت دی چې د ټولو ناروغیو علاج په دعا کولو او الله تعالی ته په رجوع کولو کې رانغښتې ده، حتی په درملو له درملنې څخه هم ډېره اغیزمنه او ګټوره ده، او د دې اغیز او د هغې په وړاندې د بدن غبرګون د فزیکي درملو په پرتله ډېر دی، خو دا یوازې په دوو شیانو اغیزمنه ګرځي: یو د ناروغ له خوا چې نیت یې خالص وي، او بل د معالج له خوا، چې د زړه په ځواک، د زړه په توکل او تقوی سره الله تعالی ته توجه وکړي، و الله اعلم.
ابن حجر ویلي: حدیث پدې هم دلیل دی چې د طبي درملنې پرېښودل جواز لري.