کله چې الله جل جلاله د قیامت په ورځ لومړني او وروستني خلک راټول کړي، نو د هر خائن او غدار لپاره به یو بیرغ پورته شي، نو وبه ویل شي چې: دا د فلاني د فلاني د زوی خیانت دی

د خیانت حراموالی او دا چې خیانت له کبیره ګناهونو څخه یوه ده؛ ځکه یې په اړه سخت ګواښ راغلی دی.
هغه خیانت چې په اړه یې ګواښ راغلی دی هر هغه خیانت ته شاملېږي چې چا تاسو په وینې، عزت، راز یا پیسو امانتدار کړي وئ او تاسو ورسره خیانت وکړئ، او په امانت کې مو د هغه د تمې خلاف عمل کړی وي.
قرطبي وايي: دې کې عربو ته خطاب دی چې د ځینو کړنو له امله به یې کولې؛ هغوی به د وفادارۍ لپاره سپین بیرغ او د خیانت لپاره تور بیرغ پورته کاوه، تر څو خیانت کوونکی ملامت کړي او غندنه یې وکړي، نو په حدیث کې د خیانت کوونکي سره هم د ورته عمل په څېر یو څه ښودنه شوې ده، څو یې د قیامت په ورځ د خپلو ځانګړتیاوو له امله مشهور شي او د محشر خلک یې ملامت کړي.
ابن حجر ویلي: پدې کې دېته هم اشاره ده چې د قیامت په ورځ به خلک د پلرونو په نومونو سره راغوښتل کېږي لکه چې فرمایي: دا د فلاني؛ د فلاني د زوی خیانت دی.