ਵਲੀ (ਸਰਪ੍ਰਸਤ) ਤੋਂ ਬਿਨਾ ਨਿਕਾਹ (ਵਿਆਹ) ਨਹੀਂ ਹੈ।

ਨਿਕਾਹ ਦੇ ਸਹੀ ਹੋਣ ਲਈ ਵਲੀ (ਸਰਪ੍ਰਸਤ) ਦਾ ਹੋਣਾ ਸ਼ਰਤ ਹੈ। ਜੇਕਰ ਵਲੀ ਤੋਂ ਬਿਨਾ, ਉਸ ਦੀ ਗੈਰ-ਹਾਜ਼ਰੀ ਵਿੱਚ ਨਿਕਾਹ ਹੋ ਜਾਵੇ ਜਾਂ ਔਰਤ ਖੁਦ ਹੀ ਨਿਕਾਹ ਕਰਵਾ ਲਵੇ, ਤਾਂ ਉਹ ਨਿਕਾਹ ਸਹੀ ਨਹੀਂ ਹੋਵੇਗਾ।
ਵਲੀ (ਸਰਪ੍ਰਸਤ) ਤੋਂ ਭਾਵ ਔਰਤ ਦਾ ਸਭ ਤੋਂ ਨੇੜਲਾ ਰਿਸ਼ਤੇ ਵਾਲਾ ਮਰਦ ਹੈ। ਇਸ ਲਈ ਨੇੜਲੇ ਵਲੀ ਦੇ ਹੁੰਦੇ ਹੋਏ ਦੂਰ ਦਾ ਵਲੀ ਔਰਤ ਦਾ ਨਿਕਾਹ ਨਹੀਂ ਕਰਵਾ ਸਕਦਾ।
ਵਲੀ ਬਣਨ ਲਈ ਮੁਕੱਲਫ਼ (ਜ਼ਿੰਮੇਵਾਰ) ਹੋਣਾ, ਮਰਦ ਹੋਣਾ, ਨਿਕਾਹ ਦੇ ਹਿੱਤਾਂ ਨੂੰ ਸਮਝਣ ਦੀ ਉਮਰ ਵਿੱਚ ਹੋਣਾ ਅਤੇ ਵਲੀ ਤੇ ਨਿਕਾਹ ਹੋਣ ਵਾਲੀ ਔਰਤ ਦਾ ਇੱਕੋ ਧਰਮ ਹੋਣਾ ਸ਼ਰਤ ਹੈ। ਜਿਸ ਵਿੱਚ ਇਹ ਸਿਫਤਾਂ (ਗੁਣ) ਨਹੀਂ ਹੋਣਗੀਆਂ, ਉਹ ਨਿਕਾਹ ਲਈ ਵਲੀ ਬਣਨ ਦੇ ਕਾਬਲ ਨਹੀਂ ਮੰਨਿਆ ਜਾਵੇਗਾ।