ਜਿਸ ਬੰਦੇ ਨੂੰ ਅੱਲਾਹ ਜਨਤਾ ਦੀ ਰਖਵਾਲੀ ਦਾ ਕੰਮ ਸੌਂਪੇ ਅਤੇ ਜਿਸ ਦਿਨ ਉਹ ਮਰਦਾ ਹੈ ਤਾਂ ਇਸ ਹਾਲਤ ਵਿੱਚ ਮਰਦਾ ਹੈ ਕਿ ਉਹ ਜਨਤਾ ਨੂੰ ਧੋਖਾ ਦੇ ਰਿਹਾ ਹੁੰਦਾ ਹੈ, ਤਾਂ ਅੱਲਾਹ ਉਸ 'ਤੇ ਜੰਨਤ ਹਰਾਮ ਕਰ ਦਿੰਦਾ ਹੈ।

ਇਹ ਸਜ਼ਾ ਦੀ ਚੇਤਾਵਨੀ ਇਸਲਾਮੀ ਹਕੂਮਤ ਦੇ ਵੱਡੇ ਸ਼ਾਸਕ ਤੇ ਉਸ ਦੇ ਪ੍ਰਤੀਨਿਧੀਆਂ (ਮੰਤਰੀਆਂ) ਲਈ ਹੀ ਖਾਸ ਨਹੀਂ ਹੈ, ਸਗੋਂ ਇਸ ਵਿੱਚ ਹਰ ਉਹ ਵਿਅਕਤੀ ਸ਼ਾਮਲ ਹੈ, ਜਿਸ ਦੇ ਅਧੀਨ ਅੱਲਾਹ ਨੇ ਕੁੱਝ ਲੋਕ ਰੱਖੇ ਹੋਣ।
ਮੁਸਲਮਾਨਾਂ ਦੀ ਕੋਈ ਵੀ ਜਨਤਕ ਜ਼ਿੰਮੇਵਾਰੀ ਸੰਭਾਲਣ ਵਾਲੇ ਹਰ ਵਿਅਕਤੀ 'ਤੇ ਫਰਜ਼ ਹੈ ਕਿ ਉਹ ਉਨ੍ਹਾਂ ਬਾਰੇ ਭਲਾ ਸੋਚੇ, ਅਮਾਨਤ ਅਦਾ ਕਰਨ ਦੀ ਪੂਰੀ ਕੋਸ਼ਿਸ਼ ਕਰੇ ਅਤੇ ਧੋਖਾਧੜੀ ਤੋਂ ਬਚੇ।
ਇਸ ਹਦੀਸ ਵਿੱਚ ਜਨਤਕ ਜਾਂ ਨਿਜੀ, ਵੱਡੀ ਜਾਂ ਛੋਟੀ ਕੋਈ ਵੀ ਜ਼ਿੰਮੇਵਾਰੀ ਸੰਭਾਲਣ ਦੀ ਅਹਿਮੀਅਤ (ਮਹੱਤਵ) ਨੂੰ ਦਰਸਾਇਆ ਗਿਆ ਹੈ।