ਬੇਸ਼ੱਕ ਅੱਲਾਹ ਅਤੇ ਉਸ ਦੇ ਰਸੂਲ ਨੇ ਸ਼ਰਾਬ, ਮੁਰਦਾ ਜਾਨਵਰ, ਸੂਰ ਅਤੇ ਬੁੱਤਾਂ (ਮੂਰਤੀਆਂ) ਦੀ ਵਿਕਰੀ ਨੂੰ ਹਰਾਮ ਕਰ ਦਿੱਤਾ ਹੈ।

ਇਮਾਮ ਨਵਵੀ ਨੇ ਕਹਿੰਦੇ ਹਨ: ਮੁਰਦਾ ਜਾਨਵਰ, ਸ਼ਰਾਬ ਅਤੇ ਸੂਰ, ਇਨ੍ਹਾਂ ਵਿੱਚੋਂ ਹਰੇਕ ਨੂੰ ਖਰੀਦਣਾ ਤੇ ਵੇਚਣਾ ਹਰਾਮ ਹੈ, ਇਸ ਗੱਲ 'ਤੇ ਸਾਰੇ ਮੁਸਲਮਾਨਾਂ ਦਾ ਇਜਮਾ (ਸਰਬਸੰਮਤੀ) ਹੈ।
ਕਾ਼ਜ਼ੀ ਕਹਿੰਦੇ ਹਨ: ਇਸ ਹਦੀਸ ਤੋਂ ਪਤਾ ਚੱਲਦਾ ਹੈ ਕਿ ਜਿਸ ਚੀਜ਼ ਨੂੰ ਖਾਣਾ ਜਾਂ ਉਸ ਦਾ ਫਾਇਦਾ ਲੈਣਾ ਜਾਇਜ਼ ਨਹੀਂ, ਉਸ ਨੂੰ ਵੇਚਣਾ ਤੇ ਉਸ ਦੀ ਕਮਾਈ ਖਾਣਾ ਵੀ ਜਾਇਜ਼ ਨਹੀਂ। ਜਿਵੇਂ ਕਿ ਇਸ ਹਦੀਸ ਵਿੱਚ ਆਈ ਚਰਬੀ ਦੀ ਉਦਾਹਰਣ ਤੋਂ ਪਤਾ ਚੱਲਦਾ ਹੈ।
ਇਬਨ ਹਜਰ ਕਹਿੰਦੇ ਹਨ: ਇਸ ਹਦੀਸ ਦਾ ਸਾਰ ਜ਼ਿਆਦਾਤਰ ਉਲਮਾ (ਵਿਧਵਾਨਾਂ) ਦੀ ਨਜ਼ਰ ਵਿੱਚ ਇਸ ਗੱਲ ਵੱਲ ਇਸ਼ਾਰਾ ਕਰਦਾ ਹੈ ਕਿ ਆਪ ﷺ ਦੇ ਇਹ ਸ਼ਬਦ "ਉਹ ਹਰਾਮ ਹੈ" ਤੋਂ ਭਾਵ ਖਰੀਦਣਾ ਤੇ ਵੇਚਣਾ ਹੈ, ਵਰਤਣਾ ਨਹੀਂ।
ਕਿਸੇ ਹਰਾਮ ਚੀਜ਼ ਨੂੰ ਹਲਾਲ ਕਰਨ ਲਈ ਅਪਣਾਈ ਜਾਣ ਵਾਲੀ ਹਰ ਚਾਲ ਜਾਂ ਬਹਾਨਾ ਅਵੈਧ (ਨਾਜਾਇਜ਼) ਹੈ।
ਇਮਾਮ ਨਵਵੀ ਕਹਿੰਦੇ ਹਨ: ਉਲਮਾ ਨੇ ਕਿਹਾ ਹੈ ਕਿ ਮੁਰਦਾ ਜਾਨਵਰ ਨੂੰ ਵੇਚਣ ਦੀ ਜੋ ਆਮ ਤੌਰ 'ਤੇ ਮਨਾਹੀ ਹੈ, ਉਸ ਵਿੱਚ ਇਹ ਵੀ ਸ਼ਾਮਲ ਹੈ ਕਿ ਜੇਕਰ ਕਿਸੇ ਜੰਗ ਵਿੱਚ ਕਾਫ਼ਿਰ ਨੂੰ ਕਤਲ ਕਰ ਦਿੱਤਾ ਜਾਵੇ ਅਤੇ ਬਾਕੀ ਕਾਫ਼ਿਰ ਉਸ ਦੀ ਲਾਸ਼ ਖਰੀਦਣਾ ਚਾਹੁਣ ਜਾਂ ਉਸਦੇ ਬਦਲੇ ਵਿੱਚ ਕੁੱਝ ਦੇਣਾ ਚਾਹੁਣ, ਤਾਂ ਉਸ ਦੀ ਲਾਸ਼ ਨੂੰ ਵੇਚਣਾ ਜਾਂ ਬਦਲੇ ਵਿੱਚ ਕੁੱਝ ਲੈਣਾ ਹਰਾਮ ਹੋਵੇਗਾ। ਇੱਕ ਹਦੀਸ ਵਿੱਚ ਆਉਂਦਾ ਹੈ ਕਿ ਨੌਫ਼ਿਲ ਬਿਨ ਅਬਦੁੱਲਾਹ ਅਲ-ਮਖਜ਼ੂਮੀ ਨੂੰ ਖ਼ੰਦਕ ਦੀ ਜੰਗ ਵਿੱਚ ਮੁਸਲਮਾਨਾਂ ਨੇ ਕਤਲ ਕਰ ਦਿੱਤਾ ਸੀ ਅਤੇ ਕਾਫ਼ਿਰਾਂ ਨੇ ਉਸ ਦੀ ਲਾਸ਼ ਦੇ ਬਦਲੇ ਦਸ ਹਜ਼ਾਰ ਦਿਰਹਮ ਨਬੀ ﷺ ਨੂੰ ਦੇਣ ਦੀ ਪੇਸ਼ਕਸ਼ ਕੀਤੀ, ਲੇਕਿਨ ਆਪ ﷺ ਨੇ ਇਹ ਕੀਮਤ ਨਹੀਂ ਲਈ, ਅਤੇ ਉਸਦੇ ਬਿਨਾ ਹੀ ਉਨ੍ਹਾਂ ਨੂੰ ਉਸ ਦੀ ਲਾਸ਼ ਵਾਪਸ ਕਰ ਦਿੱਤੀ।