ਮੈਂ ਅਤੇ ਨਬੀ ﷺ ਇੱਕੋ ਭਾਂਡੇ ਤੋਂ ਗੁਸਲ ਕਰਦੇ ਸੀ, ਜਦਕਿ ਅਸੀਂ ਦੋਵੇਂ ਜੁੰਬੀ ਹੁੰਦੇ ਸੀ। ਮੈਂ ਆਪ ﷺ ਦੇ ਹੁਕਮ ਤੋਂ ਧੋਤੀ ਬੰਨ੍ਹ ਲੈਂਦੀ, ਫੇਰ ਆਪ ﷺ ਮੇਰੇ ਨਾਲ ਆਪਣੇ ਸ਼ਰੀਰ ਨੂੰ ਪਲੋਸਦੇ, ਜਦੋਂ ਕਿ ਮੈਂ ਹੈਜ਼ਾ (ਮਹਾਵਾਰੀ ਦੀ ਹਾਲਤ ਵਿੱਚ) ਹੁੰਦੀ ਸੀ।

ਮੋਮਿਨਾਂ ਦੀ ਮਾਂ ਆਇਸ਼ਾ (ਰਜ਼ੀਅੱਲਾਹੁ ਅਨਹਾ) ਨਬੀ ﷺ ਨਾਲ ਆਪਣੇ ਕੁੱਝ ਖਾਸ ਹਲਾਤਾਂ ਦਾ ਜ਼ਿਕਰ ਕਰ ਰਹੀ ਹਨ। ਇੱਕ ਇਹ ਕਿ ਉਹ ਅੱਲਾਹ ਦੇ ਨਬੀ ﷺ ਦੇ ਨਾਲ ਜਨਾਬਤ (ਸੰਭੋਗ, ਸੁਪਨਦੋਸ਼, ਮਾਹਵਾਰੀ ਆਦਿ ਕਾਰਨ ਨਾਪਾਕ ਹੋਣ ਤੋਂ ਬਾਅਦ) ਦਾ ਗੁਸਲ ਕਰਿਆ ਕਰਦੀ ਅਤੇ ਦੋਵੇਂ ਇੱਕ ਹੀ ਭਾਂਡੇ ਤੋਂ ਪਾਣੀ ਲੈ ਕੇ ਗੁਸਲ (ਸੁੰਨਤੀ ਇਸ਼ਨਾਨ) ਕਰਿਆ ਕਰਦੇ ਸਨ। ਦੂਜੀ ਇਹ ਕਿ ਅੱਲਾਹ ਦੇ ਨਬੀ ﷺ ਜਦੋਂ ਉਨ੍ਹਾਂ ਨਾਲ ਹੈਜ਼ (ਮਹਾਵਾਰੀ) ਦੀ ਹਾਲਤ ਵਿੱਚ ਆਪਣਾ ਸ਼ਰੀਰ ਪਲੋਸਣ ਦਾ ਇਰਾਦਾ ਕਰਦੇ, ਤਾਂ ਉਨ੍ਹਾਂ ਨੂੰ ਆਪਣੇ ਸ਼ਰੀਰ 'ਤੇ ਧੁੰਨੀ ਤੋਂ ਲੈ ਕੇ ਗੋਡਿਆਂ ਤੱਕ ਕਪੜਾ ਲਪੇਟਣ ਦਾ ਹੁਕਮ ਦਿੰਦੇ ਅਤੇ ਉਨ੍ਹਾਂ ਨਾਲ ਆਪਣੇ ਸ਼ਰੀਰ ਨੂੰ ਪਲੋਸਦੇ। ਅਤੇ ਸੰਭੋਗ ਨੂੰ ਛੱਡ ਕੇ ਸਭ ਕੁੱਝ ਕਰਦੇ ਸਨ। ਤੀਜੀ ਇਹ ਕਿ ਅੱਲਾਹ ਦੇ ਨਬੀ ﷺ ਮਸਜਿਦ ਵਿੱਚ ਇਤਿਕਾਫ਼ (ਮਸਜਿਦ ਵਿੱਚ ਇਬਾਦਤ ਲਈ ਇਕਾਂਤਵਾਸ) ਕਰ ਰਹੇ ਹੁੰਦੇ ਅਤੇ ਇਸ ਦੌਰਾਨ ਆਪਣਾ ਸਿਰ ਆਇਸ਼ਾ ਰਜ਼ੀਅੱਲਾਹੁ ਅਨਹਾ ਦੇ ਘਰ ਵੱਲ ਕੱਢ ਦਿੰਦੇ ਅਤੇ ਉਹ ਹੈਜ਼ ਦੀ ਹਾਲਤ ਵਿੱਚ ਆਪਣੇ ਘਰ ਤੋਂ ਆਪ ﷺ ਦਾ ਸਿਰ ਧੋ ਦਿੰਦੀ ਸਨ।