Namichi tokko wuduu’a raawwatee bakka hanga kottee geessu wahii miila isaa irratti dhiise, Nabiyyiin nagaa fi rahmanni irra haa jiraatuu, isa arganii akkana jedhaniin: “Deebi’ii wuduu’a kee akka gaariitti raawwadhu” namichis deebi’ee wuduu'a godhatee, eegasii salaate

Daddafanii gaaritti ajajuu fi wallaalaa fi dagataaf qajeelfama kennuun dirqama ta'uudha, Keessattuu wanni badaan sun ibaadaan namichaa baduuf sababaa kan ta'u yoo ta'e.
Humnoolee wuduu’aa bishaaniin waliin ga'uun dirqama ta'uu fi namni humnoolee wuduu'aa keessaa humna tokko dhiise -osoo waa xiqqollee ta'ee- wuduu'in saniin waliin isaaf sirrii hin ta'uudha, wuduu'a guututti deebisee godhachuudha qaba, yeroon walakkaa sana jiru yoo dheeraa ta'e.
Wuduu’a bareechanii raawwachuun karaa ta'uudha, innis akka shari'aan itti ajajetti isa guutanii bakkaan gayanii godhachuuni.
Miilli lamaan humnoolee wuduu’aa keessaa tokko waan ta’eef, irra haxaa’uun gahaa miti, dhiqamuudha qaba.
Humna tokko osoo kan isa duraa hin gogin dhiquun humnoolee wuduu’aa walduraa duubaan dhiquun barbaachisaa ta'uudha.
Wallaalummaa fi dagachuun dili namarraa kuffisan malee dirqama namarra jiru hin kuffisaniidha, Namicha wallaalummaa isaatif jecha wuduu'a isaa guutee hin gadhatin kanarraa Nabiyyiin -nagaa fi rahmnni isaan irratti haa jirtu- dirqama wuduu'aa kan isarra jiru hin kaffisne, deeb'ee akka sirreeffatu isa ajajan malee.