जब तिमीहरूले (रमजानको) चन्द्रमा देख्छौ, तब रोजा राख र जब तिमीहरू (शव्वालको) चन्द्रमा देख्छौ, तब रोजा बस्न छोडिदेऊ । यदि आकाशमा बादल लागेको छ भने अनुमान गर (अर्थात् महिनाको तीस दिन पूरा गर)।

महिनाको सुरुवात प्रमाणित गर्न चन्द्रमा देखिनुमा भर पर्नेछ, गणनामा होइन।
इब्ने मुन्जिरले चन्द्रमा नदेखिएमा, केवल गणनाको आधारमा उपवास राख्नु अनिवार्य छैन भन्ने कुरामा सर्वसम्मति रहेको बताएका छन्।
बादल आदि कारणले चन्द्रमा देखिएन भने शाबानको तीस दिन पूरा गर्नु आवश्यक छ।
चन्द्रमाको महिना केवल २९ वा ३० दिनको हुन्छ।
बादल लागेको मौसम आदि कारणले शव्वालको चन्द्रमा देखिन सकेन भने रमजानको तीस दिन पूरा गर्नु अनिवार्य छ।
जो कोही त्यस्तो ठाउँमा छ जहाँ मुस्लिमहरूलाई रोजाको बारेमा सूचना दिने मान्छे कोही छैन वा यसका बारेमा कसैलाई कुनै पर्वाह छैन भने आफै जागरुक हुनु पर्छ र आफु वा कुनै भरोसाको लायक मान्छेले चन्द्रमा देखेमा मात्र रोजा राख्न थाल्नु वा छोडि दिने गर्नु पर्छ ।