जसले अल्लाहको बाटोमा जिहाद गर्ने (योद्धा) लाई (युद्ध उपकरणहरू उपलब्ध गराएर) तयार गर्छ, उसले पनि जिहाद गरेको हुन्छ। र, जसले युद्धमा जाने व्यक्तिको परिवारको राम्रो रेखदेख गर्छ, उसले पनि जिहाद गरे सरह हुन्छ।

यसमा मुस्लिम समुदायलाई पुण्य कर्ममा सहयोग गर्न प्रोत्साहित गरिएको छ।
इब्न हजर (रहिमहुल्लाह) ले भन्नुभएको छ: “यस हदीसमा मुसलमानहरूका लागि कुनै कल्याणकारी कार्य गर्ने वा उनीहरूको महत्त्वपूर्ण आवश्यकता पूरा गर्ने व्यक्तिसँग राम्रो व्यवहार गर्न र उसलाई सम्मान दिन प्रोत्साहित गरिएको छ।”
सामान्य नियम अनुसार जसले कुनै व्यक्तिलाई अल्लाहको आज्ञापालनको कार्यमा सहयोग गर्छ, उसलाई पनि सो कार्य गर्ने व्यक्ति सरह नै पुण्य प्राप्त हुन्छ, र यसबाट सहयोग प्राप्त गर्ने व्यक्तिको पुण्यमा कुनै कमी आउँदैन।