मानिस आफ्नो घनिष्ठ मित्रको आचरण र मार्गबाट प्रभावित हुन्छ, त्यसैले तिमीहरूमध्ये प्रत्येकले राम्ररी विचार गरेर आफ्नो मित्र चयन गरोस्।

यस हदीसमा असल व्यक्तिहरूसँग संगत गर्न र उनीहरूलाई साथीको रूपमा चयन गर्न आदेश दिइएको छ, साथै खराब व्यक्तिहरूको संगतबाट टाढा रहनका लागि कडा चेतावनी दिएको छ।
यहाँ विशेष गरी मित्रलाई उल्लेख गरिएको छ, नातेदारलाई होइन। किनभने मित्रको चयन व्यक्तिले आफैँले गर्छ, तर दाजुभाइ वा नातेदारको सन्दर्भमा व्यक्तिलाई छनोटको अधिकार प्राप्त हुँदैन।
मित्रता गाँस्नु वा संगत छान्नु गहन सोच-विचार गरेर मात्र गर्नुपर्दछ।
मानिसको धर्म असल आस्थावान्हरूको सङ्गतले बलियो हुन्छ भने पापीहरूको सङ्गतले कमजोर हुन्छ।