လူတို့အား ၎င်းတို့တရားစွဲသည့်အတိုင်းပေးကမ်းရမည်ဆိုပါက အချို့သောသူများသည် သူတစ်ပါး၏ ပစ္စည်းဥစ္စာနှင့် အသက်‌သွေးများကိုပါ ရရှိနိုင်ရန်တရားစွဲလာကြလိမ့်မည်။ သို့သော် တရားစွဲသူသည် ခိုင်လုံသည့် သက်သေအထောက်အထားပြရန်အရေးကြီးသည်။ စွဲချက်ကို ငြင်းပယ်သူသည် ကျိန်၍ငြင်းရမည်။

အိဗ်ုဒကီးကုလ်အီးဒ် ကဆိုသည်မှာ ဤ‌ဟဒီးဆ်တော်သည် အမိန့်ပညတ်ချက်များ၏အခြေခံများအနက်မှ အခြေခံတစ်ရပ်ဖြစ်သည်။ အငြင်းပွါးခြင်း၊ အခြေအတင်ဖြစ်ခြင်းများဖြစ်ပေါ်လာသောအခါ ကိုးကားရမည့် အကြီးမားဆုံးသော ကိုးကားချက်ပင်ဖြစ်သည်။
အစ္စလာမ့်တရားဥပဒေသည် လူသားများ၏ ဥစ္စာပစ္စည်း၊ အသက်နှင့်သွေးတို့ကို လိမ်လည်လှည့်ဖြားမှု မှ ကာကွယ်ရန် လာရှိခဲ့သည်။
တရားသူကြီးသည် မိမိ၏အသိပညာဖြင့် စီရင်ခြင်းမပြုဘဲ သက်သေအထောက်အထားများကိုသာ ကိုးကားရမည်။
အခွင့်အရေးများနှင့်စီးပွားရေးလုပ်ငန်းများ၌ဖြစ်စေ၊ အီမာန်ယုံကြည်မှုနှင့် သာသနာ့ပညာ၌ဖြစ်စေ မည်သည့်သက်သေအထောက်အထားမှမရှိ‌သောတရားစွဲဆိုသူတို့၏တရားစွဲမှုတိုင်းသည် ပယ်ချခြင်းခံရမည်။