ငါကိုယ်တော်၏ အွမ္မသ်ထဲ၌ နောက်ပိုင်းတွင် လူတစ်ချို့ပေါ်ပေါက်လာလိမ့်မည်။ ၎င်းတို့သည်အသင်တို့နှင့် အသင်တို့ဘိုးဘွားများပင် မကြားဘူးသောအရာများကို အသင်တို့အားပြောဆိုတင်ပြကြလိမ့်မည်။ သို့ဖြစ်၍ အသင်တို့သည် ၎င်းတို့နှင့်ဝေးဝေးနေကြကုန်။

ဤဟဒီးဆ်တော်တွင် ကိုယ်တော်မြတ် နဗီတမန်တော်ဖြစ်ကြောင်း သက်သေလက္ခဏာများအနက်မှ လက္ခဏာတစ်ခုပါရှိသည်။ ၎င်းမှာ ကိုယ်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် မိမိ၏အွမ္မသ်ထဲတွင် မကြာမီဖြစ်ပေါ်လာမည့်ကိစ္စရပ်တစ်ခုကို အသိပေးမိန့်ကြားတော်မူခဲ့ပြီး ထိုကိစ္စသည် ကိုယ်တော်မိန့်ကြားခဲ့သည့်အတိုင်း ဖြစ်ပေါ်လာသည်။
တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)နှင့်ပတ်သက်၍လည်း ကောင်း၊ အစ္စလာမ်သာသနာနှင့်ပတ်သက်၍လည်းကောင်း လိမ်လည်ပြောဆိုသူကို ဝေးစွာရှောင်ကြဉ်ရမည်ဖြစ်ပြီး ၎င်းတို့၏ မုသားစကားများကို နား ထောင်ခြင်းမပြုရပါ။
ဟဒီးဆ်တော်များအား မှန်ကန်ခိုင်လုံကြောင်း မစစ်ဆေးမီအလျင် လက်ခံခြင်း၊ ဖြန့်ချိခြင်းတို့ မပြုလုပ်ရန် သတိပေးတားမြစ်ထားသည်။