သက်တော်လေးဆယ်တွင် အလ္လာဟ်အရှင်မြတ်၏ရစူလ်တမန်တော်(ဆွလ္လလ္လာဟုအလိုင်းဟိဝစလ္လမ်)ထံ ဝဟီဗျာဒိတ်တော်ကျရောက်ခဲ့သည်။

အိဗ်နုအဗ္ဗာစ် (ရဿွိယလ္လာဟုအန်ဟု)က ဆင့်ပြန်ပြောကြားခဲ့သည်မှာ သက်တော်လေးဆယ်အရွယ်တွင် တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)အပေါ် ဝဟီဗျာဒိတ်တော်ကျရောက်ခဲ့ပြီး နဗီတမန်တော်အဖြစ် စေလွှတ်ခြင်းခံရသည်။ ဝဟီကျရောက်ပြီးနောက် ကိုယ်တော်သည် မက္ကာဟ်မြို့တွင် တစ်ဆယ့်သုံးနှစ် နေထိုင်ခဲ့သည်။ထို့နောက် မဒီနဟ်မြို့သို့ဟိဂျ်ရသ်ပြု ရွှေ့ပြောင်းရန်အမိန့်ပေးခြင်းခံခဲ့ရသည်။ထိုမြို့ ၌ဆယ်နှစ်တိုင် နေထိုင်တော်မူပြီး သက်တော် (၆၃) နှစ်တွင် ဝဖာသ်ဖြစ် ကွယ်လွန်တော်မူခဲ့သည်။