မည်သူမဆိုလက်ထပ်နိုင်စွမ်းရှိပါက လက်ထပ်ထိမ်းမြားလိုက်ပါ။ အဘယ်ကြောင့်ဆိုသော နိကာဟ် ထိမ်းမြားခြင်းသည် မျက်လွှာကို (ဟရာမ်တားမြစ်ထားသည့်အရာများမှ) အလွန်ပင်ထိန်းသိန်း ပေးသည်။ အရှက်အင်္ဂါကို (မကောင်းမှုမှ) အလွန်ပင်ထိန်းသိမ်းပေးသည်။ လက်ထပ်နိုင်စွမ်းမရှိသူသည် ဆောင်မ် ဥပုသ်စောင့်ပါ။ အဘယ့်ကြောင့်ဆိုသော် ဆောင်မ် ဥပုသ်စောင့်ခြင်းသည် ရာဂစိတ်ထကြွမှုကိုလျော့ကျစေသည်။

အစ္စလာမ်သာသနာသည် ကာယိန္ဒြေထိန်းသိမ်းနိုင်မည့်အကြောင်းတရားများနှင့်စက်ဆုပ်ရွံရှာဖွယ်ရာများမှကင်းရှင်းစေရန် အလိုရမက်ထားသည်။
ဆောင်မ်ဥပုသ်ဆောင့်ခြင်းသည် ရာဂစိတ်ကို လျော့ကျစေသောကြောင့် နိကာဟ်ထိမ်းမြားရန်အတွက် ကုန်ကျစရိတ်မတတ်စွမ်းနိုင်သူအား ဆောင်မ်ဥပုသ်ဆောင့်ရန် တိုက်တွန်းထားသည်။
ဟဒီးဆ်တော်၌ဆောင်မ်ဥပုသ်စောင့်ခြင်းသည် ရာဂစိတ်ထကြွမှုကို လျော့ကျစေသည်ဟု ဖော်ပြထားသည်။ သို့ဖြစ်ရာ ဆောင်မ်နှင့် ဝိဂျာအ် ရာဂစိတ်ထကြွမှုကို လျော့ကျစေခြင်းတို့ ပတ်သက်နေသည့်ပုံစံမှာ ဝိဂျာအ်ဟူသည် ဝှေးစေ့၏သွေးကြောများကို ဖိညှပ်ခြင်းဖြင့် လိင်စိတ်ပျောက်ကွယ်သွား‌အောင်ပြု၍လိင်သဘာဝကို မြုံအောင်သင်းလိုက်ခြင်းဖြစ်ပြီး ဆောင်မ်သည် လိင်စိတ်ထကြွမှုကို လျော့ကျစေခြင်းဖြစ်သည်။ ဤသို့ဖြင့် ဝိဂျာအ်နှင့်ဆောင်မ်နှစ်ခုစလုံးသည် ရာဂစိတ်ထကြွမှုကိုလျော့ကျစေခြင်း၌တူညီသွားသည်။