မိမိအတွက်နှစ်သက်သည့်အရာကို မိမိညီနောင်မွတ်စ်လင်မ်အတွက် မနှစ်သက်သမျှကာလပတ်လုံး အသင်တို့အနက်မည်သူတစ်ဦးတစ်ယောက်မျှ စစ်မှန်သည့် မုအ်မင်န်မဖြစ်နိုင်ပေ။

မိမိအတွက်မိမိနှစ်သက်သည့်အရာကို မိမိ၏ညီနောင်အတွက်လည်းနှစ်သက်ရန်အရေးကြီးသည်။ မိမိအတွက်မိမိနှစ်သက်သည့်အရာကို မိမိ၏ညီနောင်အတွက်လည်း မနှစ်သက်ပါက ပြည့်ဝသောအီမာန်မရှိဟုဆိုထားခြင်းသည် မိမိအတွက်မိမိနှစ်သက်သည့်အရာကို မိမိ၏ညီနောင်အတွက်လည်းနှစ်သက်ရန်အရေးကြီးကြောင်းညွှန်ပြပေသည်။
အလ္လာဟ်အရှင်မြတ်အတွက်သာချစ်ခင်ရသောညီအစ်ကိုသည် ညီအစ်ကိုရင်းချာထက်ပို၍အဆင့်အတန်းမြင့်သောကြောင့် သူ့အခွင့်အရေးအား ပိုမိုဂရုပြုရန်အရေးကြီးသည်။
မိမိ၏ညီနောင်မွတ်စ်လင်မ်ညီအကိုအပေါ် ထားရှိသောချစ်ခြင်းမေတ္တာနှင့်ဆန့်ကျင်သည့် လှည့်ဖြားခြင်း၊ ကုန်းချောခြင်း၊ မနာလိုဝန်တိုစိတ်ထားခြင်း၊ မွတ်စ်လင်မ်၏အသက်၊ ဥစ္စာဓန သို့မဟုတ် ဂုဏ်သိက္ခာကို ထိပါးခြင်းစသော စကားရပ်များနှင့်အပြုအမူများကို ဟရာမ်မပြုပိုင်ဟု သတ်မှတ်ထားသည်။
“လိအခီးဟိ” “မိမိ၏ညီနောင်အတွက်”ဟု သုံးနှုန်းထားသောအသုံးအနှုန်းမှသိရသည်မှာ ဤဟဒီးဆ်သည်လုပ်ရပ်တစ်ခုကို လက်တွေ့ကျင့်သုံးလာစေရန်လှုံ့ဆော်ပေးသောစကားရပ်အချို့ကို အသုံးပြုထားကြောင်းသိရှိရသည်။
အလ်ကိရ်မာနီး (ရဟိမဟုလ္လာဟ်)ပြောသည်မှာ မိမိအတွက်မိမိမုန်းတီးသည့်မကောင်းခြင်းဟူသမျှကို မိမိ၏ညီနောင်အတွက်လည်းမုန်းတီးခြင်းသည် အီမာန်ယုံကြည်မှုရှိခြင်းဖြစ်သည်။ သို့သော် ဤအချက်ကိုဟဒီးဆ်တော်၌မဖော်ပြရခြင်းမှာ တစ်စုံတစ်ရာကိုချစ်ခြင်းသည် ယင်းအရာနှင့်ဆန့်ကျင်သည့်အရာကိုပါ မုန်းတီးစေသည်။ ထို့ကြောင့် ချစ်ခြင်းနှင့်ဆိုင် သောအမိန့်ကိုသာဖော်ပြပြီး မုန်းတီးခြင်းနှင့်သက်ဆိုင်သော စကားရပ်ကို မဖော်ပြပဲချန်ထားခဲ့ခြင်းဖြစ်သည်။