မုစ်လင်မ်တစ်ဦးအား အချက်သုံးချက်အနက် တစ်ချက်ချ က်မရှိဘဲ သတ်ခွင့်မရှိပေ

ဤအမှုကိစ္စ သုံးခုကို ပြုလုပ်ခြင်းသည် ဟရာမ် ဖြစ်သည်။ ထိုအထဲမှ တစ်ခုခုကို ပြုလုပ်သူသည် သေဒဏ်ချမှတ်ခြင်းခံရထိုက်သူ ဖြစ်လာသည်။ သေဒဏ်ချမှတ်ခြင်းခံရထိုက်သူသည်- · ကုဖ်ရ် (သွေဖည်ငြင်းပယ်ခြင်း) ကြောင့် ဖြစ်ရသည်။ ၎င်း‌မှာ မုစ်လင်မ်အဖြစ်မှ ကျောခိုင်းထွက်သွားသူဖြစ်သည်။ · သို့မဟုတ် ဟဒ် (အစ္စလာမ့်ဥပဒေအရပြစ်ဒဏ်အဖြစ်သတ်မှတ်ထားခြင်း) ကြောင့် ဖြစ်ရသည်။ ဟဒ်အရ သေဒဏ်ချမှတ်ခြင်းခံရထိုက်သူ နှစ်ဦးမှာ- · အိမ်ထောင်ရှိပြီး ဇိနာပြုလုပ်သူနှင့် · တမင်ရည်ရွယ်၍ လူသတ်မှုကျူးလွန်သူတို့ ဖြစ်ကြသည်။
မုစ်လင်မ်တို့၏ ဂုဏ်သိက္ခာကို ကာကွယ်ခြင်းနှင့် (မဟုတ်မမှန် စွတ်စွဲပြောဆိုမှုတို့မှ) ကင်းရှင်းစင်ကြယ်ခြင်းသည် ဝါဂျိဗ်ဖြစ်သည်။
မုစ်လင်မ်တစ်ဦးအား ရိုသေလေးစားခြင်းသည် ဝါဂျိဗ် ဖြစ်သည်။ ထိုမုစ်လင်မ်၏ သွေး (အသက်) သည် ထိန်းသိမ်းကာကွယ်ခြင်းခံရပြီး (အခြားမုစ်လင်မ်တစ်ဦး၏ သတ်ဖြတ်ခြင်းကို မခံရထိုက်သူ) ဖြစ်သည်။
မုစ်လင်မ်တို့၏ ဂျမာအသ် ( အစုအဖွဲ့ ) နှင့်ပူးပေါင်းဆောင်ရွက်ရန်နှင့် ဂျမာအသ်အစုအဖွဲ့မှ ခွဲထွက်ခြင်းမပြုရန် တိုက်တွန်းနှိုး‌ဆော်ထားခြင်း။
တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ၏ ကောင်းမွန်သော သင်ကြားမှုပုံစံမှာ တစ်ခါတစ်ရံ အကြောင်းအရာများကို အမျိုးအစားခွဲခြားပြသခြင်းဖြစ်သည်။ အဘယ်ကြောင့်ဆိုသော် ထိုသို့ခွဲခြားပြသခြင်းသည် ကိစ္စရပ်များကို စုစည်းခြင်း၊ အကျဉ်းချုပ်ခြင်းနှင့် အလျင်အ မြန်မှတ်မိစေနိုင်သောကြောင့်ဖြစ်သည်။
အလ္လာဟ်အရှင်မြတ်သည် ပြစ်မှုကျူးလွန်သူများကို ထိန်းချုပ်ရန်နှင့် လူ့အဖွဲ့အစည်းအား ရာဇဝတ်မှုများမှ ကာကွယ်ရန်အလို့ငှာ ပြစ်ဒဏ်များကို ချမှတ်ပြဌာန်းထားတော်မူသည်။
ထိုဟူဒူးဒ်ပြစ်ဒဏ်များကို အကောင် အထည်ဖော်ရန်မှာ အာဏာပိုင်အဖွဲ့(သို့)ခေါင်းဆောင်နှင့်သာ သက်ဆိုင်သည်။ (လူတိုင်းလုပ်ခွင့်မရှိပေ)
သေဒဏ်ချမှတ်နိုင်သော အကြောင်း ရင်းများသည် သုံးချက်ထက် ပိုများသော်လည်း ၎င်းတို့သည် အထက်ပါသုံးချက်မှ ခွဲခြား၍မရနိုင်ပေ။ အီဗ်နုလ်အရဗီ အလ်မာလီကီက "အခြေအနေမှန်သမျှတွင် ဤသုံးချက်မှ ခွဲခြား၍မရနိုင်ပါ။ အဘယ်ကြောင့်ဆိုသော် မှော်အတတ်ပြုလုပ်သူ (သို့) တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)အား ဆဲဆိုမ ကောင်းပြောသူသည် ကာဖိရ်ဖြစ်သွားပြီး၊ မိမိ၏ ဒီးန်သာသနာကို စွန့်လွှတ်သူ၏ အမျိုးအစားထဲတွင် ပါဝင်သွားသောကြောင့်ပင် ဖြစ်သည်" ဟု ဆိုသည်။