ဟဒတ်စ် (ဝူဿွူပျက်ခြင်း) ဖြစ်သွားလျှင် ဝူဿွူပြန်မလုပ်မချင်း အသင်တို့အနက် မည်သူ၏ဆွလာသ်ကိုမျှ အလ္လာဟ်အရှင်မြတ်က လက်ခံတော်မူမည် မဟုတ်ပေ။

မသန့်ဖြစ်နေသူသည် ‘ဟဒဆ်အက္ကဗရ်’ (ရေချိုးရန်တာဝန်ထိုက်သည့် မသန့်ရှင်းမှု) ဖြစ်နေပါက ရေမချိုးသ၍ ‘ဟဒဆ်အဆ်ွဂရ်’ (ဝူဿွူပြုရန် တာဝန်ထိုက်သည့် မသန့်ရှင်းမှု) ဖြစ်နေပါက ဝူဿွူမပြုသ၍ ၎င်း၏ဆွလာသ်သည် လက်ခံခြင်းခံရမည် မဟုတ်ပါ။
ဝူဿွူပြုခြင်းဆိုသည်မှာ ရေယူကာ ပါးစပ်ထဲသို့ထည့်၍ ဆေးကြောကာ ထွေးထုတ်ရမည်။ ထို့နောက်နှာခါင်းထဲသို့ ရေရှူသွင်းကာ ပြန်လည်ညှစ်ထုတ်ရမည်။ ထို့နောက် မျက်နှာကို သုံးကြိမ်ဆေးကြောရမည်။ ထို့နောက် လက်နှစ်ဖက်ကို တံတောင်ဆစ်အပါအဝင် သုံးကြိမ်ဆေးကြောရမည်။ ထို့နောက် ဦးခေါင်းတစ်ခုလုံးအား တစ်ကြိမ် မစဟ်ပြု ပွတ်သပ်ရမည်။ ထို့နောက် ခြေနှစ်ဖက်ကို ခြေမျက်စိအပါအဝင် သုံးကြိမ် ဆေးကြောရမည်။