Nabiyaamã (Wẽnd pʋʋsg la A tɩlgr be a yĩnga) rag n yɩɩme n pekdẽ, maa n soodẽ, ne saawalle n tʋg n tãag mud a nu, la a yõgd koom ne mudri

Wilgda lɩslaangã sẽn kõ sor tɩ b kẽgs koomã, koom yõgb la koom soob pʋgẽ, la b ra sãam ye baa tɩ koomã bee wʋsgo.
B bʋʋ nonglem tɩ b tʋm ne koom bilfu koomã yõgbẽ la koomã soobẽ, ne alkadr sẽn zemse, tɩ ad woto la Nabiyaamã kãndgre (Wẽnd pʋʋsg la A tɩlgr be a yĩnga).
B sẽn ratã yaa koomã yõgb la koomã soob pidbu, n lagem ne Sunn-rãmbã la zʋgd-rãmbã gũusgu, tɩ ka tũ ne sãanga ka keelem me, la b gũus wakatã la koomã waooglemã la a bilfã la zẽng sẽn ka rẽ.
Tõnd boondame tɩ Gεnaabo ned ning fãa sẽn sika mani maa a maana kẽed-n-taare, la b pʋd-a-la woto a soabã sẽn zãag Pʋʋsgã yĩnga la tũudum-rãmbã halɩ n wa tʋg n yɩlge.
Saawalle: yaa vugbu b sẽn mi, la b sẽn rat ne-a wã yaa Nabiyaamã Saawallã, la a zĩslemã tata (480) Miskaal, sẽn yi bele (kood) sõngã, la sã n yaa ne litri a yaa (3 L).
Mude: yaa lɩslaangã vugb teedo, la b sẽn rat ne-a wã, yaa ninsaal nus tal a yiibã pidbu, a sã n pids b yiibã n tees b yiibã, la mudr yaa Saawalle sẽn pʋɩ naase n yãk yembre, Fighu bãngdbã sẽn zems taabã, la a mamsgã yaa (750) ML.