Ad Wẽnd Nɑbiyɑɑmã zʋgdã (Wẽnd pʋʋsg la A tɩlgr be a yĩnga) ra yaa Alkʋrãana

B soka muumin-rãmbã ma, d ma a 'Aaɩša (Wẽnd yard be a yĩnga) Nɑbiyɑɑmã zʋgd sẽn da yaa a soaba (Wẽnd pʋʋsg la A tɩlgr be a yĩnga), t'a lok ne gomd sẽn tigim, la a wẽneg a soakdã n togl Alkʋrãanã sẽn tigim sɩf-rãmb sẽn pid zãnga, rẽnd a yeelame, tɩ Nɑbiyɑɑmã (Wẽnd pʋʋsg la A tɩlgr be a yĩnga) rag n yɩɩme n zʋgend a meng ne Alkʋrãanã zʋgdo, Alkʋrãanã sẽn sagl bũmb ninga a yikd n yalsa ne rẽ, la a sẽn gɩdg bũmb ninga a zãagdame, rẽnd Nabiyaamã zʋgd ra yɩɩme n yaa tʋm ne Alkʋrãane, la a yals Alkʋrãanã todsẽ, la a zʋgl a meng ne Alkʋrãaanã zʋgdo, la a rɩk yam ne Alkʋrãanã yel-bũnã la a kʋdemdã togsgã.