Ad yãmb yʋyã sẽn noom Wẽnd n yɩɩda, yaa ʿAbd Allaah la ʿAbd Ar-rahmaane

A Al-ƙurtubiy yeelame (Wẽnd na yols-a): b paaamsda yʋy-kãensã b yiibã, sẽn wõnd b yiibã, wala ʿAbd Ar-Rahɩɩm la ʿAbd Almalik la ʿAbd Aṣ-Ṣamad, la a sẽn noom Wẽnd n yɩɩdã, yaa t'a kʋmba sɩfa sẽn yaa tɩlae ne Wẽnde, la bũmb ning sẽn leb n yaa sɩfo, n yaa tɩlae ne ninsaala, yẽ me la yembdã. Rẽ poorẽ tɩ b leb n rɩk yembdã n fãoog ne Sobendã, fãoogr sẽn yaa sɩd-sɩda, tɩ fãoog-kãngã sɩdg yʋy-kãensã rãmba, tɩ b paam zɩslem ne a sẽn fãoog taab woto wã, rẽ n kɩt tɩ b paam yɩɩdlem-kãensã. La zẽng sẽn ka yẽ yeelame: b sẽn kʋʋg koεεg ne yʋy a yiibã, yaa tɩ Alkʋrãanã pʋga, b ka rɩk yamb n fãoog ne yʋʋr sẽn be Wẽnd yʋyã pʋgẽ, sã n ka bãmbã b yiibã ye, (Wẽnd yeelame (A Naam zẽk yã): {La ad Wẽnd yambã (Mʋhammad) sẽn wa n yãs n tũud-A wã}. la Aayar a to pʋgẽ A yeelame: {Lɑ Wẽnd yembsã la neb nins sẽn kẽnd tẽn-gãngã zug ne bʋg-bʋge la zɩtbã sã n wa gom ne-b la b sẽn yetde: "tɩlgr" gomde}. La sẽn kengd woto, yaa A koεεg sẽn yeele, (A Naam zẽk yã): {Yeele: "bool-y Wẽnd maa y bool Yolsg Naabã}.