yãmb ɑ neba! Ad Wẽnd sεεsa zɩɩlem sasa yεlã n bas yãmbã, la ɑ wug-m-menga ne yaab-rãmbã

Nabiyaamã (Wẽnd pʋʋsg la A tɩlgr be a yĩnga) goma ne neba, Mak pakrã raare, n yeele: yaa yãmb a neba, ad Wẽnde, A zẽkame n yẽes n bas yãmba, zɩɩlem sasa waoog-m-mengã la a pʋglgã ne ba-rãmba, la ad nebã yaa kõbg a yiibu:

maa tɩ yaa sɩd-kõta n yaa manegda n yaa Wẽn-zoεta, n yaa tũuda ne Wẽnde, (A Naam yɩ wagell n zẽke), rẽnd yãwã soaba a yaa waagell Wẽnd nengẽ, baa t'a soab ka bu-bedr soaba, la nin-bedr nebã nengẽ.

Maa tɩ yaa kɩfre, n yaa wẽnga, n yaa zu-be neda, yãwã soaba yaa yaalg Wẽnd nengẽ, a ka zem baa fʋɩ, baa tɩ sã n mikame tɩ yaa buud soaba, n yaa nin-bedr nebã nengẽ, n yaa naam soaba.

La nebã yaa a Adam koamba, la Wẽnd naana a Adam ne tom. Rẽnd ka sõmb ne ned ning yagr sẽn yaa tom, t'a waoog a menga la a maan yel-solemd ne a meng ye, la gom-kãngã sɩdgre, yaa Wẽnd koεεgã sẽn yeele, (A Naam zẽkame): { yãmb ɑ nebã ɑd Tõnd nɑɑnɑ yãmb n yi rɑo lɑ pɑgɑ, lɑ D mɑɑn yãmb tɩ yɑɑ zãmɑɑn fãɑ ne ɑ neb lɑ buud-rãmbɑ bʋl yĩng tɩ y bãng tɑɑbɑ, ɑd yãmb wɑoor sẽn yɩɩdɑ Wẽnd nengẽ yɑɑ sẽn yɩɩdɑ ne Wẽn-zoεεg yãmb pʋgẽ, ɑd Wẽnd yɑɑ Mitɑ n yɑɑ Minim-tẽng-n-biigɑ} [Al-Hugrɑɑt: 13]».