Kẽng a nengẽ n tʋg n yeel-a; ad fo ka Bugum ned ye, la ad fo yaa arzãn neda

Nabiyaamã (Wẽnd pʋʋsg la A tɩlgr be a yĩnga) konga a Saabɩt ɭbn Ƙays, (Wẽnd yard be a yĩnga) t'a sok a yelle, tɩ ned yeele: mam na n wa kõo foom la m togs foom a sẽn ka be wã sababo, t'a kẽng a nengẽ n tʋg n mik t'a sũurã yaa sẽn sãame, t'a tik a zugã, n sur a zakẽ wã, t'a soak-a: yaa bõe n tar foom, t'a Saabɩt kõ-a kiba-wẽng ning sẽn be ne yẽ wã, bala yẽ rag n yɩɩme n zẽkd a koεεga n yɩɩd Nabiyaamã koεεga zugu (Wẽnd pʋʋsg la A tɩlgr be a yĩnga), la Wẽnd yaool n maana pʋleng-wẽnga neb nins sẽn maand rẽndã wã tɩ b tʋʋm lʋɩɩme, tɩ b yaa Bugum koamba!

Tɩ nedã lebg n kẽng Nabiyaamã nengẽ (Wẽnd pʋʋsg la A tɩlgr be a yĩnga), n tɩ kõ-a kibare, ne a gomdã, tɩ Nabiyaamã (Wẽnd pʋʋsg la A tɩlgr be a yĩnga) yeel nedã t'a lebg n kẽng a Saabɩt nengẽ n tʋg n kõ-a kiba-noogo, t'a ka Bugum ned ye, t'a yaa arzãn neda, woto yaa t'a Saabɩt koεεgã zẽkrã yaa Wẽnd naanego, n paasde, a rag yɩɩ Tẽn-tʋʋmã (Wẽnd pʋʋsg la A tɩlgr be a yĩnga) no-rεεsa n leb n yaa Madiin-rãmb gom-rɩkda.