Ned ning sẽn yeele, a sẽn wat n wʋm laandãanã: Aš-hadu an laa ɩlaaha ɩlla Allaah, wahdahʋʋ laa šarɩɩka lahʋʋ Wa anna Mʋhammadan ʿAbdʋhuu warasʋʋlʋhuu, Radiitu billaah rabban, Wa bi Mʋhammadɩ Rasʋʋlan, Wa bil ɩslaami diinan, b yaafda a zũnuubã

Nabiyaamã (Wẽnd pʋʋsg lɑ A tɩlgr be ɑ yĩngɑ) kõo kibare tɩ ned ning sẽn yeele, a sẽn wat n wʋmd laandãanã "Aš-hadu an laa ɩlaaha ɩlla Allaah, wahdahʋʋ laa šarɩɩka lahʋʋ": rat n yeele: m sakame la m reeg m zugẽ la m kõt kibare tɩ ad soab sẽn na n tũ n tɩlg ka be, rẽnda Wẽnde, la b sẽn tũ bũmb ning fãa zẽng sẽn ka Wẽnde, yaa zaalem, "Wa anna Mʋhammadan Abdʋhuu warasʋʋlʋhuu" la ad Mʋhammad yaa A Tẽn-tʋʋma, rat n yeel tɩ yaa yamba, b sẽn ka tũudi, a leb n yaa Tẽn-tʋʋma sẽn ka yagde, "Radiitu billaah rabban" rat n yeel tɩ m yara ne A Wẽndlemã la A Sobendã, la A Yʋyã la A Sɩf-rãmba, "Wa bi Mʋhammadɩ Rasʋʋlan" rat n yeel tɩ b sẽn tʋms-a ne bũmb ningã fãa t'a taas-a tõndã, "Wa bil ɩslaami" rat n na n yeele: m kõo sɩd ne lɩslaangã bʋʋd fãa sẽn yaa saglse la gɩdgre, "diinan" rat n yeele: loεεga la sak-n-tũ, "Gʋfɩra zambuhuu" rat n yeel tɩ b yaafda a zũnuub bãanegã.