Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) a kãaba zoob toamda, la sẽn tomdã wã, la wi kɩɩdã, la b sẽn kɩɩd a soabã

A ɭbn Hagar yeelame (Wẽnd na yols-a): ad b sẽn gɩdg yel-kãensã pʋgẽ yaa sẽn na n rɩk zoobd n tong zoobdo, la a sã n tong a zoobdã ne bũmb sẽn ka zoobdo, sẽn yaa lamd la sẽn wõnd rẽ, woto ka kẽed gɩdgrã pʋgẽ ye.
Wilgdame tɩ gɩdgame tɩ ra wa tʋg n sõng taab zũnuub zug ye.
B gɩdgame tɩ b ra wa tʋg n tedg Wẽnd naanegã ye, bala a yaa zĩri-beed la liibgu.
Sakdame tɩ b kãab ned ning Wẽnd sẽn kãab a soabã, la Wẽnd Tẽn-tʋʋmã sẽn kãab a soabã, n yeel n gũbg n ka yãk yuʋr ye.
Kẽeda tongr ning sẽn yaa haraamã tõnd zamaanã pʋgẽ wã, perikã fõgnegã, bala yẽ yaa haraam, yaa kɩfr-rãmbã la zãmb la liibg n be a pʋgẽ.
Al-Hattaabiy (Wẽnd na yols-a) a yeelame: Ad pʋleng wẽnga sẽn wa yel-kãngã pʋgẽ wã, yaa zãmbã la belgrã sẽn be a pʋgẽ wã yĩnga, la b sã n kõ sor bũmb a pʋgẽ, a na n yɩɩ sabab tɩ b tʋg n maan n tʋm tɩ sakdẽ, sẽn yaa zãmb kõbg toor-toore. Leb n be a pʋgẽ sẽn yaa Wẽnd naanegã tedgre, rẽ n kɩt tɩ b tʋg n teeg a ɭbn Mas'ʋʋd hadiisã pʋgẽ ne a koεεg sẽn yeele: "Yaa pagb nins sẽn toeemd Wẽnd naanegã". La Wẽnd n yɩɩd minim.
A An-nawawiy (Wẽnd na yols-a) a yeelame: la a yaa haraam ne maandã la b sẽn maan ne a soabã, la zĩig ning b sẽn tugã lebgda rẽgdo, rẽnd b sã n tõe n yẽes-a ne tɩpgo yaa tɩlae, la sã n ka tõe rẽnda ne poglgo, a sã n yεεsd tɩ poglg n tõe n zĩnd beenẽ tɩ sãame, maa yaa yĩn-wila, maa yook n na n paam-a a yĩn-wilẽ wã, ka sakd ye, wakat-kãngã ka tɩlae tɩ b yẽes-a ye, la a sã n tuubi, baa fʋɩ ka leb n ket a zugẽ sẽn yaa zũnuub ye. La a sã n ka yεεs tɩ bũmb n na n maan-a, yaa tɩlae t'a yẽes-a, la a paamda zũnuub t'a sã n yaoolge.