HadeethEnc · 1.30.0
Neema a yiib n be, tɩ nebã wʋsg bõnd b pʋgẽ: yaa laafɩ la sẽka
Available translations
Choose an available translation of this Hadeeth
01
Hadeeth text
Yii a ɭbn ʿAbbaas nengẽ, (Wẽnd yard be b yiibã yĩnga), a yeelame: Nabiyaamã yeelame, (Wẽnd pʋʋsg la A tɩlgr be a yĩnga): «Neema a yiib n be, tɩ nebã wʋsg bõnd b pʋgẽ: yaa laafɩ la sẽka».
02
Explanation
Nabiyaamã (Wẽnd pʋʋsg la A tɩlgr be a yĩnga) kõo kibare, neemã bεd a yiib sẽn be Wẽnd neemã-rãmbã pʋgẽ, tɩ nebã wʋsg fãa bõnd b pʋgẽ, bala b kẽesd-b-la sẽn ka b zĩigẽ, rẽnd ninsaal laafɩ wã la sẽkã neemã sã n lagem taab a zugu, tɩ kʋɩɩng wil-a n yi Wẽnd tũudum, ad yãwã soab bõn yã, la yaa wãnde me la nebã wʋsg fãa halhaale, la a sã n rɩk a sẽkã la a laafɩ wã n kẽes Wẽnd tũudum pʋgẽ, yẽ soabã n paam yõodo, bala dũni wã yaa laahr pʋʋgo, la leb n be a pʋgẽ tolb ning yõodã sẽn na n wa vẽneg laahr raarã, la sẽkã belem yaa sẽk kaalem n pʋgde, laafɩ wã belem me yaa bãas n pʋgda, la bũmb sã n rag n ka na n zĩnd beenẽ sã n ka kʋʋlemã, a rag n sekame.
03
Benefits
Yaa b sẽn wõnes baalik ne toanda la laafɩ wã la sẽkã ne ligd zugu, rẽnd ned ning sẽn bãnga ligd zug zãabo, a paamda pʋɩɩr la yõodo, la ned ning sẽn yεεb-a a bõndame n maan mimsa.
A ɭbn Al-ẖaazin (Wẽnd na yols-a) yeelame: neemã wã yaa bũmb ning Adem biig sẽn tar n maan neemã la a wʋm noog ne wã, la bõnã yaa fo sẽn na n ra bũmb n yɩɩg a ligdã wʋsgo, maa a koos-a tɩ ka ta a ligdã ye, rẽnd ned ning yĩng sẽn paam n tar laafɩ t'a tar sẽka n ka kẽn n tʋm n maneg a laahrã, yẽ soabã yaa wala ned ning sẽn bõn a koosem pʋgẽ.
Wilgdame tɩ maan yã-beed n paam n naf ne laafɩ la sẽkã wakato, sẽn na paam n maan pẽnegr la tʋʋm sõms ne Wẽnde, taoor t'a wakatã ka loog ye.
Wẽnd neemã wã bark pʋʋsgo a yɩta fo sẽn na n rɩk-a n kẽes Wẽnd tũudmã pʋga (A Naam zẽk yã).
Al-ƙaadiy Abuu Bakr ɭbn Al-Arabiy (Wẽnd na yols-a) yeelame: B yõsa taab neemã rẽeng Wẽnd sẽn maan A yambã zugu, tɩ sãnda yeele: "yaa lɩɩmaoongã", la sãnda yeele: "yaa vɩɩmã" la sãnda yeele: " yaa laafɩ". La rẽenem soabã yẽnd n sõmb n yɩɩda, bala yẽ yaa neema sẽn ka tar toaaga, la sã n yaa vɩɩmã la laafɩ wã, b yaa dũni neema, la b ka yɩt neema sɩd-sɩda sã n ka mikame tɩ sɩd-kũun n wa n lageme, wakat-kãngã nebã wʋsg bõnda b pʋgẽ, rat n na n yeel tɩ b yõodã loogda zãnga maa booge. Rẽnd ned ning sẽn sak n pʋga yõorã sẽn sagend ne wẽngã, yõor ning sẽn rat vʋʋsg la a basd Wẽnd todsã gũusgã, la a bas Wẽnd tũudmã tablgã, a bõname. Yaa woto bala a sẽn na n yaa vɩʋʋg n ka tʋmdẽ, yẽ soabã padangã zẽkd n bas-a lame tɩ padangã kaalem sig a zugu.
A ɭbn Al-ẖaazin (Wẽnd na yols-a) yeelame: neemã wã yaa bũmb ning Adem biig sẽn tar n maan neemã la a wʋm noog ne wã, la bõnã yaa fo sẽn na n ra bũmb n yɩɩg a ligdã wʋsgo, maa a koos-a tɩ ka ta a ligdã ye, rẽnd ned ning yĩng sẽn paam n tar laafɩ t'a tar sẽka n ka kẽn n tʋm n maneg a laahrã, yẽ soabã yaa wala ned ning sẽn bõn a koosem pʋgẽ.
Wilgdame tɩ maan yã-beed n paam n naf ne laafɩ la sẽkã wakato, sẽn na paam n maan pẽnegr la tʋʋm sõms ne Wẽnde, taoor t'a wakatã ka loog ye.
Wẽnd neemã wã bark pʋʋsgo a yɩta fo sẽn na n rɩk-a n kẽes Wẽnd tũudmã pʋga (A Naam zẽk yã).
Al-ƙaadiy Abuu Bakr ɭbn Al-Arabiy (Wẽnd na yols-a) yeelame: B yõsa taab neemã rẽeng Wẽnd sẽn maan A yambã zugu, tɩ sãnda yeele: "yaa lɩɩmaoongã", la sãnda yeele: "yaa vɩɩmã" la sãnda yeele: " yaa laafɩ". La rẽenem soabã yẽnd n sõmb n yɩɩda, bala yẽ yaa neema sẽn ka tar toaaga, la sã n yaa vɩɩmã la laafɩ wã, b yaa dũni neema, la b ka yɩt neema sɩd-sɩda sã n ka mikame tɩ sɩd-kũun n wa n lageme, wakat-kãngã nebã wʋsg bõnda b pʋgẽ, rat n na n yeel tɩ b yõodã loogda zãnga maa booge. Rẽnd ned ning sẽn sak n pʋga yõorã sẽn sagend ne wẽngã, yõor ning sẽn rat vʋʋsg la a basd Wẽnd todsã gũusgã, la a bas Wẽnd tũudmã tablgã, a bõname. Yaa woto bala a sẽn na n yaa vɩʋʋg n ka tʋmdẽ, yẽ soabã padangã zẽkd n bas-a lame tɩ padangã kaalem sig a zugu.
Attribution
[A Al-Bʋẖaariy n togs-a]
Categories
Share
Share hadeeth
Sharing options · 0 Total shares