Wẽnd ka get ned ning sẽn vuug a fuug waoog-m-meng yĩng ye

Sẽn yeel tɩ fuugã a gũbga bũmb fãa sẽn lut ninsaal yĩngã tẽngre, zem tɩ yaa pãntalõ, maa fuugu, la fu-sẽka la sẽn wõnd rẽ.
B sẽn gɩdg tɩ b ra bas fuugã tɩ sigã, welgame ne rapã, a An-Nawawiy yeelame (Wẽnd na yols-a): bãngdbã fãa zemsa taab tɩ sakdame ne pagbã tɩ b bas-a t'a vuugi, la sɩd la hakɩɩka (kibar manegame n yi Nabiyaamã nengẽ (Wẽnd pʋʋsg la A tɩlgr be a yĩnga) t'a kõo pagbã sore tɩ b bas b futã tɩ vuuda, halɩ n tãag kãntɩɩg woglem.
A ɭbn Baaz yeelame (Wẽnd na yols-a): Futã lungrã gɩdgame tɩ yaa haraam, ne hadiis-rãmb wʋsg sẽn gome, la sã n yaa a sɩbgrã yẽnda yõsa taaba, ka tɩlae tɩ b sɩbgrã yɩ yembr ye, ned ning sẽn maana rẽnda tɩ yaa waoog-m-meng Anniy n be a sũurẽ wã, yẽ me leb n yõsga ne sẽn maana tɩ ka waoog-m-meng Anniy wã.
A ɭbn Baaz yeelame (Wẽnd na yols-a): paga a yaa yãnde, rẽnd gɩdgr ka be t'a sik a fuugã n zems nug-yakemde, sã n ka na n sεk-a a tõeeme t'a ta kanga, sẽn sɩng na-kugẽ wã n sigi.
A Al-Ƙaady yeelame (Wẽnd na yols-a): bãngdbã yeela mumd-mumdi, b gɩdga bũmb fãa sẽn wa n paas tʋlsmã zugu la b sẽn minim n yeelg futã pʋgẽ sẽn yaa woglemã la yalmã wεεngẽ, sã n wa tʋg n paas rẽ b kisgame, la Wẽnd n yɩɩd ne bãngre.
A An-Nawawiy yeelame (Wẽnd na yols-a): alƙadr ning b sẽn bʋ nonglemã sẽn kẽed ne kasaabã bɩ fu-sẽkã woglemẽ yaa karsã pʋsʋka, la yell ka be t'a sã n sig n kẽng karsã la na-kugã sʋka, la sẽn wa n sig rẽndã tẽngr fãa, yẽ bee Bugmẽ. Rẽnd sẽn bʋ nonglemã yaa karsã pʋsʋka, la sẽn sakd tɩ kisgr ka be yaa sẽn be karsã pʋsʋka n tãag na-kugã tεka, rẽnd sẽn sig n yɩɩda gɩdgame.
A ɭbn ʿƲṯaymiin (Wẽnd na yols-a) yeelame, Nabiyaamã koεεg sẽn yeel tɩ (Wẽnd ka get n tʋg a nengẽ wã) Rat n na n yeel tɩ yolsg la nimbaan-zoeer gesgo, la raabã ka gesg fãa ye, bala Wẽnde (A Naam zẽk yã) bũmb ka lilld-A A gesgẽ wã ye, a raabã yaa yolsg la nimbaan-zoeer gesgo.