Ra sɩng-y Yahuud-rãmba la Nasaar-rãmba ne sallem ningr ye, la yãmb sã n seg b yembr sor zug bɩ y pẽdg-a t'a rɩk so-sẽkã

Ka sõmb ne lɩslaam t'a sɩng ned sẽn yaa Yahuuda la Naasaar la b zẽng sẽn yaa kɩfr-rãmbã, ne sallem ningr ye.
Sakdame tɩ reeg b sallem n yeele: "Wa ʿAlaykum" tɩ b sã n sɩnge.
Ka sõmb ne lɩslaam t'a toglg n rat n nams kɩfr ye, n sẽkd-a tɩ ka tũ ne sabab ye, n modg-a t'a rɩk so-sẽkã; la sã n mik tɩ sorã yaa sẽka maa a pidame rẽnd lɩslaam n tar hakε ne-a, la kɩfrã lakda sorã zugu.
Wilgda lɩslaambã zɩslemã vẽnegre la zẽng sẽn ka lɩslaambã paoodlem vẽnegre, tɩ ka tũ ne wẽgbo maa beedo koεεg pʋgẽ.
Kɩfr-rãmbã sẽgemdgo a sababã yaa b sẽn be zĩig ningã sẽn kɩflg ne Wẽndã (A Naam zẽk yã) la tõeeme n yɩ sabab tɩ b kẽ lɩslaangã pʋgẽ, n põs Bugmã, tɩ rẽ sã n tall-b tɩ b bao n na n bãng sababã.
Yell ka be tɩ lɩslaam sɩng n yeel kɩfre: f kibar yaa wãnã? F yika laafɩ? Zaabr kibare? La sẽn wõnd rẽnda, sã n mikame tɩ tʋlsem n be beenẽ; bala b sẽn gɩdgã yaa sallemã ningri.
A Aṭ-Ṭɩɩby yeelame: B sẽn yãkã yaa tɩ b ka sɩngd ne bid'ah soab sallem ningr ye, la a sã n pʋʋs ned ning a sẽn ka mi, rẽ poorẽ tɩ vẽneg tɩ yaa Zɩmmy ( kɩfr-soaanda) maa bid'ah neda, a yetame: "m lebsa m salamã" tɩ yaa a paoogr ne-a.