Wẽnd Tẽn-tʋʋmã rag n yɩɩme (Wẽnd pʋʋsg la A tɩlgr be a yĩnga) tɩ rasem-pi-yaoogã sã n kẽ, a vɩɩmsda yʋngã ne tũudum la a nek a zakã rãmbã la a nidg pãnga n sẽbg a sʋka

B bʋʋ nonglem tɩ b zεεg wakat yɩɩdsã ne tʋʋm-sõmse.
A An-Nawawiy yeelame (Wẽnd na yols-a): rẽnd bee hadiis-kãngã pʋgẽ tɩ b bʋʋ nonglem tɩ b paas tũudmã Ramadãanã rasem pi-yaoogã pʋgẽ, la b bʋ nonglem tɩ b vɩɩms a yʋndã ne tũud-rãmba.
Sõmba ne yamba t'a tall nong-kεgeng a zakã rãmb zugu, n sagend-b ne Wẽnd tũudum la a maand sugr ne-ba.
Tʋʋm-sõmsã maaneg rata sẽb sʋka la sugr la sugr maanego.
A An-Nawawiy (Wẽnd na yols-a) a yeelame: Bãngdbã yõsa taaba b sẽn yeel t'a (sẽbda a sʋkã) maanã: b yeelame tɩ yaa nigd pãng tũudmã pʋgẽ n paas a sẽn da minim n maandẽ wã, t'a võorã yaa: kool f nusi tũudmã pʋgẽ, b yetame t'a a sẽba a sʋka ne yel-kãngã, t'a võorã yaa : t'a nidga pãngã n rɩk a wakatã fãa n kɩse, tɩ koεεg a yembr yeele tɩ yaa sẽn gom n yege, n wilgd tɩ b ball n bas pagbã, ne b sẽn maand soagl ne tũudmã.