M maana tigrã n lagem ne d zu-soab a Ʋmar ɭbn Al-hattaabe, (Wẽnd yard be a yĩnga) t'a yeele: bãmbã b yiibã yaa rasem Wẽn Tẽn-tʋʋmã (Wẽnd pʋʋsg la A tɩlgr be a yĩnga) sẽn gɩdg tɩ d ra loe-b noor b pʋgẽ, yãmb no-lokr raare, la raar a to wã, yaa kibs tɩ y rɩt y rũn-kootsã

Yaa sẽn gɩdg tɩ b loe no-lokrã la kibsã rasem-rãmba, la kibsã rasem a tãabã tigrã loogr poorẽ, bala bãmb pʋgda kibsã raare, sã n ka ned ning sẽn ka paam Hady rũng hagiimdẽ wã, tɩ no-loeer zao-a t'a na n loe, sakd-a ne-a t'a loe rasem a tãabã.
A ɭbn Hagar yeelame (Wẽnd na yolsa): la b yeelame, sabab ning sẽn maan tɩ b kao noorã rasem a yiibã b sẽn togsã, sẽn na yɩl n vẽneg no-loeerã sεεb pidsgu, rẽndame tɩ b kao raar ning sẽn pʋgdã wã, sabab a to wã yaa rũms nins b sẽn kodg Wẽnd yĩnga, b na paam n rɩ-ba.
B bʋʋ nonglem ne hutba maanda t'a togs a hutbã pʋga bũmb ninga sẽn yag ne a wakatã, la a ges tigã la wakat-rãmbã sẽn sõmb n gom bũmb ninga.
Yaa sãri wã sẽn kõ sor tɩ b rɩ kibsã rũmsi.