Zãms sõng yii Wẽnd nengẽ, la zãms zaala a yii a sʋɩɩtãan nengẽ, yãmb ned fãa sã n wa tʋg n zãms zãmsd ning n yεεsd-a bɩ a tʋbs a goabgã wεεngẽ la a kos gũudum n yi a wẽngã, tɩ ad rẽnda a ka namsd-a ye

Zãms sõng la zãms yookã, b fãa gill yaa gõet sẽn yãt yεl nins a gõeemẽ wã, lɑ b nong n boondɑ b sẽn yãt yεl nins tɩ yaa noogã n yaa sõmã wã tɩ zãms noogo, la b sẽn yãt tɩ yaa wẽngã tɩ zãms yook, la b yiibã yembr fãa boondame tɩ zãmsdo.
Yaa zãmsdã bugsi: yaa zãmsd sẽn yaa sɩda, n leb yaa sũ-noogr sẽn yit Wẽnd nengẽ, tɩ muumin yãt-a maa nin-zẽng yã-a a yĩnga, 2-yaa yõor sẽn yẽsd a menga, yẽ me la bũmb ninga ned sẽn na n tagsd a sũurẽ, yẽ nenemã sasa n wa tʋg n yã a gõeemẽ wã, 3-yaa sũ-sãanga la yεεsg la pεleng yɩk sẽn yi a sʋɩɩtãan nenge, sẽn na yɩl n sãam Adam biiga sũurã.
B sẽn togs zãms sõngã ragnoyã a yaa yεl a tãabo: yaa a pẽg Wẽnd ne zãmsdã la a noog a sũur ne-a la a yẽs ne-a a sẽn nong a soaba, la a ka yẽsd ne a sẽn kis a soaba ye.
Sẽn kẽed b sẽn togs zãms yookã zʋgdẽ yaa yεl a nu: yaa a kos gũudum ne Wẽnd n yi a wẽngã la a sʋɩɩtãan wẽnga, la a tʋbs a sẽn wat n yik a gõeemẽ a goabg sẽnẽ naoor a tãabo, la a ra togs-a ne ned baa a yembr ye, la a sã n rat n lebg n gãande, a toeemda kɩreng ning yẽ sẽn rag n gõe wã, tɩ zãms-kãng ka namsd-a ye