Ad sẽn reng-b yãmb taoore, raoa n da zĩnd n tall sãmpogre, t'a ka tõog n maan sugr ye, la a rɩk sʋʋg n pãrg a nugã, la zɩɩmã ka yalse halɩ t'a wa tʋg n ki, Wẽnd yeelame, (A Naam zẽk yã) Mam yambã yãgame n na n wa Mam nengẽ a toore, tɩ Mam maan arzãnã t'a yaa haraam ne-a

Wilgda yɩɩdlem sẽn be sugra maaneg baollegã (yεlã) pʋgẽ, la tõdgr basgo keelem zabdem yĩnga, bʋɩl yĩnga t'a ra wa tall-f n kẽng yell keelem sẽn yɩɩd rẽ ye.
Wilgame tɩ b yẽs kibay nins sẽn yɩ zamã-rãmb nins sẽn reng taoorã, sõma la waazu sẽn be yεl nins pʋgẽ wã.
A ɭbn Hagar yeelame: wilgdame tɩ b yals Wẽnd hakε-rãmbã zĩigẽ, la A yolsgã ne A yembsã, ne Wẽnd sẽn harem nebã tɩ b ra kʋ b mense, la yõyã yaa Wẽnd n so.
Wilgdame tɩ yaa haraam tɩ b tʋg n rɩk sabab-rãmb nins sẽn na n taas ned t'a kʋ a mengã, la pʋleng wẽng sẽn yaa kεgeng n be a pʋgẽ.
A ɭbn Hagar (Wẽnd na yols-a) a yeelame: La rẽ wilgdame tɩ nedã wãaga a nugã kũumã raab yĩnga, ka sẽn na n tɩp tɩpg ninga tẽeb sẽn wind t'a tõe n nafa ne-a wã ye.