HadeethEnc · 1.30.0
ad maam m wẽen ne Wẽnde, (Wẽnd sakr poorẽ) m ka wẽen wẽenego la m neẽ tɩ zẽng sẽn ka rẽnda sõma n yɩɩde, rẽndame tɩ mam yãk m wẽenegã maan-n-rolgã la m maan bũmb ning sẽn yaa sõmã n yɩɩdã
Available translations
Choose an available translation of this Hadeeth
01
Hadeeth text
Yii a Abɩɩ Muusa Al-ašʿary nengẽ (Wẽnd yard be a yĩnga), a yeelame: M waa Wẽnd Tẽn-tʋʋm nengẽ (Wẽnd pʋʋsg la A tɩlgr be a yĩnga) ne zãma saar sẽn yaa Madĩin rãmbɑ Al-ašʿaryɩɩmbã zamã pʋgẽ, n rat yʋgma sẽn na zombe, t'a yeele: «m wẽen ne Wẽnde, m ka na n kõ-y tɩ y zombe, mam ka tar bũmb ning m sẽn na n kõ-y tɩ y zomb ye», yẽ poorẽ tɩ tõnd leb n zĩnd Wẽnd sẽn tʋll tɩ d zĩnd tεka, tɩ b wa ne yʋgmã, t'a kɩt tɩ b kõ tõnd yʋgmã a tãabo, la tõnd sẽn wa n na n loogã, sãndã yeela sãndã: Wẽnd ka na n maan tõnd bark ye, tõnd waa Wẽnd Tẽn-tʋʋm nengẽ (Wẽnd pʋʋsg la A tɩlgr be a yĩnga), n wa kot-a t'a kõ-d yʋgma tɩ d zombe, t'a wẽen t'a ka na n kõ-d tɩ d zombe, la a yaool n wa kõ tõnd tɩ d zombe. T'a Abʋʋ Muusa yeele: tɩ tõnd lebg n wa Nabiyaamã nengẽ (Wẽnd pʋʋsg la A tɩlgr be a yĩnga), n togs-a yel-kãngã t'a yeele: «Ka maam n kõ yãmb tɩ y zomb ye, ad yaa Wẽnd n kõ-y tɩ y zombe, ad maam m wẽen ne Wẽnde, (Wẽnd sakr poorẽ) m ka wẽen wẽenego la m neẽ tɩ zẽng sẽn ka rẽnda sõma n yɩɩde, rẽndame tɩ mam yãk m wẽenegã maan-n-rolgã la m maan bũmb ning sẽn yaa sõmã n yɩɩdã».
02
Explanation
A Abʋʋ Muusa Al-ašʿary (Wẽnd yard be a yĩnga) kõta tõnd kibare, tɩ yẽ waa Wẽnd Tẽn-tʋʋm nengẽ (Wẽnd pʋʋsg la A tɩlgr be a yĩnga), n lagem ne zãma sẽn yi yẽnda buudẽ wã, la bãmb raabã yaa tɩ Nabiyaamã (Wẽnd pʋʋsg la A tɩlgr be a yĩnga) kõ bãmb yʋgma tɩ b zombe, sẽn na yɩl n paam n lagem n zab gɩhaadɩ wã, tɩ Nabiyaamã (Wẽnd pʋʋsg la A tɩlgr be a yĩnga) wẽen t'a ka na n kõ-b tɩ b zombe, a leb n ka tar n na n kõ-b tɩ b zombe, Tɩ b lebg n kaoos bilfu, rẽ poorẽ tɩ b wa ne yʋgma a tãab Nabiyaam nengẽ (Wẽnd pʋʋsg la A tɩlgr be a yĩnga), t'a tʋms neb tɩ wa bãmb nengẽ, tɩ sãnda yeel sãnda: Wẽnd kõn n maan yãmb yʋgmã wã bark ye, bala Nabiyaamã (Wẽnd pʋʋsg la A tɩlgr be a yĩnga) wẽename t'a ka na n kõ-y tɩ y zomb ye. Tɩ b na n wa a nengẽ, n sok-a, Tɩ Nabiyaamã (Wẽnd pʋʋsg la A tɩlgr be a yĩnga) yeele: Naab ning sẽn kõ a yãmb tɩ y zombã ad yaa Wẽnde, (A Naam zẽk yã); bala yaa Yẽnda n maan segl-sõngã la A rɩlge, la ad mam yaa sabab tɩ Wẽnd maan yel-kãng tɩ tũ ne mam nugẽ, Rẽ poorẽ tɩ Nabiyaamã (Wẽnd pʋʋsg la A tɩlgr be a yĩnga) yeele: ad mam wẽen ne Wẽnde, Wẽnd sã n sake, m ka wẽen ne wẽenego tɩ m ka na n maan bũmbu, maa m na n basa bũmbu, tɩ mam wa mik tɩ m sẽn wẽen tɩ m na n basa bũmb ningã sõmã n yɩɩde, rẽndame tɩ mam maan sõmã sẽn yɩɩdã, la m bas mam wẽenegã, la m maan m vẽenegã rolgã.
03
Benefits
Sakdame tɩ ned wẽene baa tɩ b sã n ka bao a nengẽ t'a wẽene, sẽn na yɩl n keng kibare, baa tɩ yaa sẽn na n wate.
Wilgdame tɩ sakdame tɩ b yeel tɩ "Inšaa Allaah= Wẽnd sã n sake" goam pʋgẽ wẽeneg poorẽ, tɩ ad tũus n bas wẽeneg pʋgẽ wã, sã n maan Anniy t'a yaa bũmb sẽn kell n tõk ne wẽenegã, a ka tɩlae n rog ne ned ning sẽn yidga wẽen-kãngã t'a maan kaffaara (maan-n-rolg) ye.
B maana yamleoog tɩ f yõsg f wẽenegã, fo sã n mik tɩ zẽng sẽn ka yẽ la sõma n yɩɩda, la f maan kaffaara (f wẽenegã rolgã).
Wilgdame tɩ sakdame tɩ b yeel tɩ "Inšaa Allaah= Wẽnd sã n sake" goam pʋgẽ wẽeneg poorẽ, tɩ ad tũus n bas wẽeneg pʋgẽ wã, sã n maan Anniy t'a yaa bũmb sẽn kell n tõk ne wẽenegã, a ka tɩlae n rog ne ned ning sẽn yidga wẽen-kãngã t'a maan kaffaara (maan-n-rolg) ye.
B maana yamleoog tɩ f yõsg f wẽenegã, fo sã n mik tɩ zẽng sẽn ka yẽ la sõma n yɩɩda, la f maan kaffaara (f wẽenegã rolgã).
Attribution
[B zemsa taab a zugu (A Al-Bʋẖaariy la a Muslim n reeg-a)]
Categories
Share
Share hadeeth
Sharing options · 0 Total shares