ഏതൊരാൾ എന്നോട് സലാം പറഞ്ഞാലും ഞാൻ അദ്ദേഹത്തിന് സലാം മടക്കാൻ വേണ്ടി അല്ലാഹു എനിക്ക് എന്റെ ആത്മാവ് തിരിച്ചുനൽകുക തന്നെ ചെയ്യുന്നതാണ്

നബി -ﷺ- ക്ക് മേൽ സ്വലാത്തും സലാമും അധികരിപ്പിക്കാനുള്ള പ്രോത്സാഹനവും പ്രേരണയും.
നബി -ﷺ- ക്ക് അവിടുത്തെ ഖബ്റിൽ നൽകപ്പെടുന്ന ജീവിതം മനുഷ്യർക്ക് ബർസഖീ ലോകത്ത് നൽകപ്പെടുന്നതിൽ വെച്ച് ഏറ്റവും പൂർണ്ണമായ രൂപത്തിലുള്ളതായിരിക്കും. അതിൻ്റെ യാഥാർത്ഥ്യവും രൂപവും അല്ലാഹുവിനല്ലാതെ അറിയുകയില്ല.
നാം ഇന്ന് ജീവിച്ചിരിക്കുന്നത് പോലെ നബി -ﷺ- യും ജീവിച്ചിരിക്കുന്നുണ്ട് എന്ന് ചിലർ വാദിക്കാറുണ്ട്; ഈ ഹദീഥിൽ അവർക്ക് യാതൊരു തെളിവുമില്ല. നബി -ﷺ- യോട് സഹായം തേടാനും പ്രാർത്ഥിക്കാനും ശിർക്കിൻ്റെ ആളുകൾക്കും ഈ ഹദീഥിൽ യാതൊരു തെളിവുമില്ല. കാരണം നബി -ﷺ- ക്ക് ഖബ്റിൽ നൽകപ്പെടുന്നത് ബർസഖിയായ ലോകത്തുള്ള ജീവിതമാണ്.