ഇസ്രാഇൻ്റെ (രാപ്രയാണത്തിൻ്റെ) രാത്രിയിൽ ഞാൻ ഇബ്രാഹീം നബിയെ കണ്ടുമുട്ടി. അദ്ദേഹം പറഞ്ഞു: "ഹേ മുഹമ്മദ്! താങ്കളുടെ ഉമ്മത്തിന് എൻ്റെ സലാം അറിയിക്കുക. സ്വർഗം ശുദ്ധമായ മണ്ണും, രുചികരമായ വെള്ളവുമുള്ള ഇടമാണെന്ന് അവരെ അറിയിക്കുക;

സ്വർഗത്തിലേക്കുള്ള തൻ്റെ തൈകൾ അധികരിക്കാൻ ആഗ്രഹിക്കുന്നവർ അല്ലാഹുവിനുള്ള ദിക്ർ നിരന്തരമായി നിലനിർത്തട്ടെ.
അല്ലാഹുവിൻ്റെ കാരുണ്യം ഏറെ ലഭിച്ച, മുസ്ലിം ഉമ്മത്തിൻ്റെ ശ്രേഷ്ഠത. ഇബ്രാഹീം -عَلَيْهِ السَّلَامُ- അവർക്ക് സലാം പറഞ്ഞയക്കുക വരെ ചെയ്തിരിക്കുന്നു.
അല്ലാഹുവിനുള്ള ദിക്ർ അധികരിപ്പിക്കാൻ ഇബ്രാഹീം നബി -عَلَيْهِ السَّلَامُ- മുഹമ്മദ് നബി -ﷺ- യുടെ ജനതയെ പ്രോത്സാഹിപ്പിക്കുന്നു.
ത്വീബീ -رَحِمَهُ اللَّهُ- പറയുന്നു: "സ്വർഗം നിരപ്പായ പ്രതലമാണ്. പിന്നീട് സൽകർമ്മം പ്രവർത്തിക്കുന്നവരുടെ നന്മകളുടെ അടിസ്ഥാനത്തിൽ അല്ലാഹു അവിടെ വൃക്ഷങ്ങളും കൊട്ടാരങ്ങളും നിർമ്മിച്ചിരിക്കുന്നു. ഓരോ മനുഷ്യനും അവൻ്റെ പ്രവർത്തനത്തിന് അനുസരിച്ചുള്ളവയാണ് സ്വർഗത്തിൽ ലഭിക്കുക. അവൻ ഒരുക്കി വെച്ച ഈ പ്രതിഫലം നേടാൻ സാധിക്കുന്ന വിധത്തിലുള്ള പ്രവർത്തനങ്ങളും അല്ലാഹു നിശ്ചയിച്ചിരിക്കുന്നു. അവ പ്രവർത്തിക്കുന്നവൻ സ്വർഗത്തിലെ ഈ മരങ്ങൾ നട്ടുപിടിപ്പിച്ചവനെ പോലെയായിരിക്കും."